Sandeep Lamichhane Arrest : नेपाळचा माजी कर्णधार संदीप लामिछानेला अखेर गुरूवारी काठमांडूच्या त्रिभुवन आंतरराष्ट्रीय विमानतळावरून ताब्यात घेण्यात आले. गेल्या महिन्यात एका अल्पवयीन मुलीवर बलात्कार केल्याचा आरोप त्याच्यावर करण्यात आला होता. या प्रकरणी त्याला अटक करण्याचे आदेश देखील काढण्यात आले होते. मालिछानेने फेसबुकवर पोस्ट लिहीत या प्रकरणाच्या तपासात तो पूर्णपणे सहकार्य करणार असल्याचे सांगितले होते. त्याने या प्रकरणी आपण निर्दोष असल्याचा दावा केला आहे.

संदीप लामिछानेवर ज्यावेळी बलात्कार प्रकरणी गुन्हा नोंद झाला त्यावेळी तो कॅरेबियन प्रीमियर लीग खेळाण्यासाठी वेस्ट इंडीजला रवाना झाला होता. दरम्यान, या प्रकरणी त्याच्याविरूद्ध नेपाळच्या न्यायालयाने अटक वॉरंट जारी केलं होतं. यानंतर गेल्या महिन्यात नेपाळ क्रिकेट संघाने एक वक्तव्य प्रसिद्ध करून संदीप लामिछानेला निलंबीत केले असल्याची घोषणा केली होती. या निर्णयामुळे त्याच्याविरूद्ध असलेल्या आरोपांची चौकशी करण्यात कोणताही अडचण येणार नाही असे सांगितले होते.