ह्युस्टन : येथे सुरू असलेल्या जागतिक टेबल टेनिस अजिंक्यपद स्पर्धेत भारताच्या जी. साथियानने रशियाच्या व्लादिमीर सिदोरेन्कोवर ४-० असा विजय मिळवून पुरुष एकेरीच्या तिसऱ्या फेरीत आगेकूच केली.
जागतिक क्रमवारीत ३७ व्या स्थानी असलेल्या जी साथियानने १७९ व्या क्रमांकाच्या व्लादिमीरचा ११-९, ११-९, ११-८, ११-६ असा पराभव केला. तिसऱ्या फेरीत जी. साथियानसमोर जागतिक क्रमवारीत १७९ व्या क्रमांकावर असलेल्या नायजेरियाच्या अरुणा क्वाद्रिचे आव्हान असेल.
भारताचा अव्वल मानांकित खेळाडू आणि जागतिक क्रमवारीत ३० व्या क्रमांकावर असलेल्या शरथ कमलला मंगळवारी सुरुवातीच्या एकेरी गटाच्या फेरीत निराशाजनक पराभवाला सामोरे जावे लागले. तथापि, शरथ कमलला अजूनही पुरुष दुहेरीत जी. साथियानसह आणि मिश्र दुहेरीत अर्चना कामतसह प्रभाव पाडण्याची संधी आहे.
शरथ कमल आणि अर्चना कामत यांनी अल्जेरियाच्या सामी खेरौफ आणि कटिया केसासी यांच्यावर ३-० असा विजय मिळवत अंतिम ३२ च्या फेरीत प्रवेश केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.