Commonwealth Games 2022 Table Tennis : भारताच्या सातीयन गणसेकरनने (Sathiyan Gnanasekaran) इंग्लंडच्या पॉल ड्रंकहॉलचा 4 - 3 असा पराभव करत टेबल टेनिस पुरूष एकेरीचे कांस्य पदक जिंकले. भारताचे हे एकूण 23 वे तर टेबल टेनिसमधील दुसरे कांस्य पदक आहे. टेबल टेनिसमध्ये भारताने आतापर्यंत 6 पदके जिंकली आहे.

कॉमनवेल्थ स्पर्धेत भारताच्या सुवर्णपदकात आणखी भर पडली आहे. टेबल टेनिसपटू शरथ कमलने पुरुष एकेरीत भारताला सुवर्णपदक पटकावले. अंतिम फेरीत शरथ कमलने इंग्लंडच्या लियाम पिचफोर्डचा 11-13, 11-7, 11-2, 11-6, 11-8 असा पराभव केला.

राऊंड ऑफ 32 मध्ये शरथने ऑस्ट्रेलियाच्या फिन लूचा 4-0 असा पराभव केला. त्याचवेळी, 16 च्या फेरीत शरथ कमलने नायजेरियाच्या ओलाजिदे ओमोटोयोवर 4-2 असा विजय मिळवला. उपांत्यपूर्व फेरीत भारतीय खेळाडूने सिंगापूरच्या इसाक क्वेक योंगचा 4-0 असा पराभव केला. त्याचवेळी, उपांत्य फेरीत त्याने इंग्लंडच्या पॉल ड्रिंकहलचा 4-2 असा पराभव केला.