BWF French Open Badminton : फ्रेंच ओपन बॅडमिंटन स्पर्धेत भारताच्या सात्विकराज रंकरेड्डी आणि चिराग शेट्टी या पुरूष दुहेरीच्या जोडीने अंतिम फेरीत धडक मारली. या दोघांनी दक्षिण कोरियाच्या चोई सोल ग्यू आणि किम वॉन होचा पराभव करत अंतिम फेरीत प्रवेश केला. भारतीय जोडीने कोरियन जोडीचा 21 - 18, 21- 14 अशा सरळ दोन गेममध्ये पराभव केला. हा सामना 44 मिनिटे सुरू होता.

चिराग आणि सात्विकने सामन्यावर पहिल्यापासूनच मजबूत पकड निर्माण केली होती. राष्ट्रकुल स्पर्धेत विजेतेपद पटकावणाऱ्या या जोडीने यंदाच्या वर्षी दोन BWF World Tour च्या फायनलमध्ये प्रवेश केला आहे. त्यांनी जानेवारी महिन्यात इंडिया ओपन सुप 500 स्पर्धा जिंकली होती.

फ्रेंच ओपन बॅडमिंटन स्पर्धेत उपांत्यपूर्व फेरीत सात्विक आणि चारगने वर्ल्ड चॅम्पियन जगातील क्रमांक 1 ची जोडी ताकुरो होकी आणि युगो कोबायाशी या जापनच्या जोडाचा पराभव केला होता. भारताच्या या युवा जोडीने या वर्ल्ड चॅम्पियन जोडीचा 23 - 21, 21 - 18 असा पराभव केला होता. हा सामना चिराग आणि सात्विकने 49 मिनिटात संपवला.