Shafali Verma WPL 2023 : डी. वाय. पाटील स्टेडियमवर आज (दि. 11) शफाली वर्मा नावाचं वादळ आलं होतं. या वादळी तडाख्यात गुजरात जायंट्सचा पार पालापाचोळा होऊन तो हवेत उडून गेला. जसं हिंडनबर्ग रिपोर्ट आल्यावर अदानी ग्रुपच्या शेअर्सचा दररोज चुराडा होत होता. तसंच आज अदानींच्या गुजरात जायंट्सचं झालं. मात्र हा चुराडा शफाली वर्माने केला, तोही अवघ्या 7 षटकात!

शफाली वर्माने 19 चेंडूत अर्धशतकी खेळी केली. ही खेळी WPL 2023 च्या हंगामातील दुसरे सर्वात वेगवान अर्धशतक ठोकले. शफाली इथर्यंतच थांबली नाही तर तिने दिल्लीला 10 विकेट्स अन् 77 चेंडू राखून पराभव केला. दिल्लीने गुजरातचे 106 धावांचे आव्हान अवघ्या 7.1 षटकात पार केले.

शफाली वर्माने एकटीने 28 चेंडूत 76 धावा चोपल्या. त्यात 10 चौकार आणि 5 षटकारांची आतशबाजी होती. शफाली वर्माने 271.43 च्या स्ट्राईक रेटने गुजरातच्या गोलंदाजांची धुलाई केली. सलामीवीर शफाली वर्माला कर्णधार आणि सलामीवीर मेग लेनिंगने 15 चेंडूत नाबाद 21 धावा करत चांगली साथ दिली.

तत्पूर्वी, आजच्या सामन्यात गुजरात जायंट्सने नाणेफेक जिंकून प्रथम फलंदाजी करण्याचा निर्णय घेतला. मात्र दिल्लीच्या मारिझाने कापच्या भेदक माऱ्यासमोर गुजरातला 20 षटकात 9 बाद 105 धावांपर्यंतच मजल मारता आली. गुजरातकडून किम ग्राथने 32 धावांची झुंजार खेळी केली. मारिझानेने 4 षटकात 15 धावा देत 5 विकेट्स घेतल्या. तिला शिखा पांडेने 3 विकेट्स घेत चांगली साथ दिली.

Sports Latest News)

हेही वाचा : नेट बँकिंग खात्यात ठेवा कमी रक्कम...जाणून घ्या कारण