Shahid Afridi Shaheen Afridi : आशिया कप 2023 च्या सुपर 4 फेरीत भारताने पाकिस्तानचा 228 धावांनी पराभव केला. या पराभवामुळे पाकिस्तानला आशिया कपची फायनल गाठण्यासाठी श्रीलंकेविरूद्धचा सामना जिंकावाच लागणार आहे. भारताने पाकिस्तानविरूद्ध 356 धावांचा डोंगर उभारला.

भारताकडून सलामीवीर रोहित शर्मा आणि शुभमन गिल यांनी 121 धावांची दमदार सलामी दिली होती. तर विराट कोहलीने 122 आणि केएल राहुलने 111 धावांची नाबाद शतकी खेळी करत भारताला 356 धावांपर्यंत पोहचवले.

पाकिस्तानचा स्टार गोलंदाज शाहीन आफ्रिदीला भारतीय फलंदाजांना चांगलेच चोपले होते. या धुलाईनंतर आता शाहिद आफ्रिदीने आपल्या जावयाचे कान उपटले असून त्याला नसीम शाह सारखी गोलंदीज करण्याचा सल्ला दिला.

अत्यंत खराब लेंथ नसीमकडून शिका

पाकिस्तानला भारताविरूद्धच्या सामन्यात 357 धावांचे मोठे आव्हान मिळाले होते. मात्र त्यांना 32 षटकात 8 बाद 128 धावाच करता आल्या. नसमी आणि हारिस दुखापतीमुळे फलंदाजी करू शकले नाहीत. दरम्यान, एका मुलाखतीदरम्यान पाकिस्तानचा माजी कर्णधार शाहिद आफ्रिदीने शाहीनला आपल्या लाईन आणि लेंथवर काम करण्याचा सल्ला दिला.

खेळपट्टी चांगली मात्र...

शाहिद म्हणाला की, जर तुम्ही पहिल्या दोन षटकात विकेट घेण्यात अपयशी ठरला तर तुम्ही स्वतःवर नाराज होऊ शकत नाही. शाहीनबाबत बोलताना शाहिद म्हणाला खेळपट्टी जरी चांगली असली तरी गोलंदाजी चांगली नव्हती. शाहीनने नसीम ज्या लेंथवर गोलंदाजी करतो त्या लेंथवर गोलंदाजी का केली नाही.

नाणेफेकीनंतर गोलंदाजी करण्यावरही भडकला शाहिद

शाहिद आफ्रिदीने नाणेफेकीनंतर गोलंदाजी करण्याच्या निर्णयावर देखील नाराजी व्यक्त केली. शाहिदने नाणेफेक जिंकून प्रथम फलंदाजी का करण्याचा निर्णय घेण्यात आला नाही. जर आपण सुरूवातीला चांगली गोलंदाजी केली असती तर चित्र वेगळे असते. शाहीनने देखील नसीम सारखी गोलंदाजी करणे गरजेचे होते. मात्र त्याची लाईन लेंथ चांगली नव्हती.

(Sports Latest News)