Shahid Afridi Sister Dead : पाकिस्तान क्रिकेटशी संबंधित एक अत्यंत दु:खद बातमी समोर आली आहे. पाकिस्तानचा माजी कर्णधार शाहिद आफ्रिदीच्या बहिणीचे निधन झाले आहे. आफ्रिदीने आपल्या बहिणीच्या मृत्यूची बातमी सोशल मीडियावर शेअर केली. त्याची बहीण बऱ्याच दिवसांपासून आजारी होती. रुग्णालयात उपचार सुरू असताना तिचा मृत्यू झाला.

शाहिद आफ्रिदीची ही पोस्ट सोशल मीडियावर मोठ्या प्रमाणात व्हायरल होत आहे. शाहिद आफ्रिदीने सोमवारी ट्विट करत लिहिले होते की, मी लवकरच परत येत आहे. माझी बहीण सध्या तिच्या आयुष्यासाठी लढत आहे. मी त्याच्या आरोग्यासाठी प्रार्थना करतो. अल्लाह तिला लवकरच बरे करेल. शाहिद आफ्रिदीच्या या ट्विटनंतर काही तासांनी त्याच्या बहिणीच्या मृत्यूची बातमीही समोर आली.

बहिणीच्या मृत्यूनंतर शाहिद आफ्रिदीने 17 ऑक्टोबरला आणखी एक ट्विट केले आहे. ज्यामध्ये त्याने लिहिले की, आम्ही सर्व अल्लाहचे सेवक आहोत, जड अंतःकरणाने मी तुम्हाला कळवत आहोत की आमच्या लाडक्या बहिणीचे निधन झाले आहे. 17 ऑक्टोबरला तिच्यावर अंत्यसंस्कार होणार आहेत. शाहिद आफ्रिदीच्या या पोस्टनंतर क्रिकेट चाहते सोशल मीडियावर आफ्रिदीच्या बहिणीला श्रद्धांजली वाहत आहे.