Sharath Kamal Achanta Table Tennis CWG 2022 : कॉमनवेल्थ स्पर्धेत भारताच्या सुवर्णपदकात आणखी भर पडली आहे. टेबल टेनिसपटू शरथ कमलने पुरुष एकेरीत भारताला सुवर्णपदक पटकावले. अंतिम फेरीत शरथ कमलने इंग्लंडच्या लियाम पिचफोर्डचा 11-13, 11-7, 11-2, 11-6, 11-8 असा पराभव केला.

राऊंड ऑफ 32 मध्ये शरथने ऑस्ट्रेलियाच्या फिन लूचा 4-0 असा पराभव केला. त्याचवेळी, 16 च्या फेरीत शरथ कमलने नायजेरियाच्या ओलाजिदे ओमोटोयोवर 4-2 असा विजय मिळवला. उपांत्यपूर्व फेरीत भारतीय खेळाडूने सिंगापूरच्या इसाक क्वेक योंगचा 4-0 असा पराभव केला. त्याचवेळी, उपांत्य फेरीत त्याने इंग्लंडच्या पॉल ड्रिंकहलचा 4-2 असा पराभव केला.

शरथच्या सामन्यापूर्वी साथियान गनसेकरननं इंग्लंडच्या पॉल ड्रिंकहॉला 4-3 च्या फरकाने मात देत कांस्य पदक पटकावले. साथियान आणि पॉल यांच्यातील हा कांस्यपदकासाठीचा सामना चांगलाच अटीतटीचा होता. पण अखेरच्या राऊंडमध्ये साथियानने आक्रम खेळ दाखवत अगदी रोमहर्षकपणे (11-9 11-3 11-5 8-11 9-11 10-12 11-9) अशा फरकाने विजय मिळवला.