भारताचा मधल्या फळीतील फलंदाज श्रेयस अय्यर (Shreyas Iyer) टीम इंडियात स्थान मिळवण्यासाठी झगडत होता. मात्र गेल्या महिन्यात श्रेयस अय्यरने मर्यादित षटकांच्या क्रिकेटबरोबरच कसोटीतही दमदार कमागिरी करून दाखवली. याचच फलित म्हणजे अय्यरला आयीसीने फेब्रुवारी महिन्यातील (ICC Player of The Month) सर्वोत्तम खेळाडू म्हणून गौरवलं. याचबरोबर न्यूझीलंडची अष्टपैलू खेळाडू अमेलिआ केरला देखील महिन्यातील सर्वोत्तम महिला क्रिकेटपटू म्हणून गौवरण्यात आले आहे.

श्रेयस अय्यरने गेल्या महिन्यात वेस्ट इंडीजविरूद्ध झालेल्या मर्यादित षटकांच्या मालिकेत दमदार कामगिरी केली होती. याचबरोबर श्रीलंकेबरोबरच्या मालिकेतही त्याची कामगिरी उल्लेखनीय होती. विंडीजविरूद्ध त्याने 80 धावांची सामना जिंकून देणारी खेळी केली होती. याचबरोबर त्याने 16 चेंडूत 25 धावांची खेळी करत टी 20 मध्ये देखील आपला दम दाखवून दिला होता. त्याने लंकेविरूद्धच्या टी 20 मालिकेत एकूण 204 धावा केल्या होत्या. त्याचा स्ट्राईक रेट 174.36 इतका होता.

त्याने एप्रिल महिन्यात 57(28), 74(44), 73(45) धावांची नाबाद खेळ्या केल्या होत्या. यात त्याने 20 चौकार आणि सात षटकार खेचले. त्याला मालिकावीराचा पुरस्कार देखील मिळाला होता. याबाबत श्रीलंकेचा माजी क्रिकेटर आणि व्होटिंग पॅनलचा सदस्य रसेल अर्नोल्डने 'या संपूर्ण महिन्यात श्रेयस अय्यरने जबरदस्त सातत्य दाखवले.' असे मत नोंदले. त्याने प्रतिस्पर्ध्याला पूर्णपणे नेस्तनाभूत केले. त्याला गोलंदाजी करणे अवघड होऊन बसले होते. त्याने संपूर्ण मैदानात फटकेबाजी करत धावांचा पाऊस पाडला. त्याने योग्य वेळी गोलंदाजांवर हल्ला चढवला. त्याने त्याच्या प्रतिभेने मला प्रभावित केले. त्याने टीम इंडियात स्थान मिळवण्यासाठी झगडत असताना अशी कामगिरी केली आहे.' असे म्हणत अर्नोल्डने अय्यरची पाठ थोपटली.