भारत आणि दक्षिण आफ्रिका (South Africa vs India) यांच्यातील दुसरा कसोटी सामना रंगतदार स्थितीत पोहचला आहे. सामन्याच्या तिसऱ्या दिवशी भारताने सर्वबाद २६६ धावा करत दक्षिण आफ्रिकेसमोर २४० धावांचे आव्हान ठेवले. तिसऱ्या दिवशी दक्षिण आफ्रिकेने भारतीय गोलंदाजांचा नेटाने सामना करत २ बाद ११८ धावांपर्यंत मजल मारली.

सामन्याच्या चौथ्या दिवशी दोन्ही संघांना विजयाची समान संधी निर्माण झाली. सामना जिंकण्यासाठी दक्षिण आफ्रिकेला १२२ धावांची गरज आहे. तर भारत सामना आणि ऐतिहासिक मालिका विजयापासून ८ विकेट्स दूर आहे. तिसऱ्या दिवशी दक्षिण आफ्रिकेचा कर्णधार डीन एल्गर ४६ धावा तर दुसेन ११ धावा करुन नाबाद होते. चौथ्या दिवशी आफ्रिकेची सर्व मदार कर्णधार एल्गरवर असणार आहे. (South Africa vs India 2nd Test Day 4 Rain Interruption)

• एल्गर आणि दुसेन या जोडीनं तिसऱ्या विकेटसाठी केली 85 धावांची भागीदारी

• 175-3 : रस्सी व्हॅन डर दुसेनच्या रुपात टीम इंडियाला तिसरा धक्का; शमीला मिळाले यश

पावसाच्या व्यत्ययानंतर अखेर चौथ्या दिवसाच्या डावाला सुरुवात झाली आहे

• 12:00 local time: चौथ्या दिवशीच्या सुरुवातीलाच पावसाचा खोडा, पहिले सत्र पाण्यात

• अटीतटीच्या सामन्यात पावसाचा व्यत्यय, चौथ्या दिवसाचा खेळ सुरु होण्यास विलंब