नाशिक : फलटण येथे झालेल्या किशोर/ किशोर राष्ट्रीय अजिंक्यपद स्पर्धेतील गुणी आणि होतकरू खेळाडूंसाठी खो- खो फेडरेशन ऑफ इंडियाने शिष्यवृत्ती देण्यात येईल असे स्पर्धे दरम्यान जाहीर केले होते. त्या नुसार प्रत्यक्ष मैदानातील कामगिरीच्या आधारे त्यांनी सुवर्ण पदक विजेत्या महाराष्ट्राच्या किशोरी संघातील सहा खेळाडूंना शिष्यवृत्ती जाहीर केली. त्यात नाशिकच्या 'संस्कृती' नाशिकची खेळाडू रोहिणी भवर हिची निवड करण्यात आली आहे.

ती सकाळ- सायंकाळ करते सराव

भारतीय विमान प्राधिकरण तर्फे या आधी वृषाली भोये आणि कौसल्या पवार यांच्या नंतर शिष्यवृत्ती मिळवणारी रोहिणी ही शिष्यवृत्ती मिळवणारी 'संस्कृती' नशिकची तिसरी खेळाडू आहे. तिला गीतांजली सावळे आणि उमेश आटवणे यांचे मार्गदर्शना खाली ती छत्रपती शिवाजी महाराज क्रीडा संकुल येथे सकाळ- सायंकाळ सराव करत असते.

तिच्या निवडीबद्दल नाशिक जिल्हा खो - खो असोसिएशनचे अध्यक्ष विश्वास ठाकूर, जिल्हा क्रीडा अधिकारी अविनाश टिळे, आजीवन अध्यक्ष रमेश भोसले, कार्याध्यक्ष आनंद गारंमपल्ली, खजिनदार सुनील गायकवाड आणि सर्व पदाधिकारी यांनी रोहिणीचे अभिनंदन केले.