Sunil Chhetri Last Match India Vs Kuwait : वर्ल्डकप पात्रता फेरीतील भारत आणि कुवेत सामना पूर्णवेळ गोल शुन्य बरोबरीत राहिला. हा सामना भारताचा कर्णधार सुनिल छेत्रीचा कारकिर्दीतील शेवटचा सामना होता. मात्र या सामन्यात सुनिल छेत्रीला गोल करण्यात अपयश आलं. सामना झाल्यानंतर प्रेक्षकांनी छेत्रीच्या नावाचा जयघोष सुरू केला. भारताचा कर्णधार चाहत्यांच प्रेम पाहून थोडा भावनिक देखील झाला.

सुनिल छेत्रीने आंतरराष्ट्रीय फुटबॉलमधून निवृत्ती घेतली. आज कोलकाता येथे फिफा वर्ल्डकप 2026 च्या पात्रता फेरीतील भारत विरूद्ध कुवेत सामना खेळवला गेला. हा कर्णधाराचा शेवटचा सामना होता. छेत्री हा आंतरराष्ट्रीय फुटबॉलमधील सर्वाधिक गोल करणाऱ्यांच्या यादीत चौथ्या स्थानावर आहे.

आजच्या सामन्यात भारतीय संघ आणि कुवेतला देखील गोल करण्याचा अनेक संधी मिळाल्या. मात्र त्यांना या संधीचं गोलमध्ये रूपांतर करता आलं नाही. भारतीय संघ सध्या ग्रुपमध्ये दुसऱ्या स्थानावर आहे. आता त्यांना पुढच्या फेरीत जाण्यासाठी कतारविरूद्धचा पुढचा सामना जिंकावा लागणार आहे.