भारताच्या महान खेळाडूपैकी एक नाव म्हणजे सुनील मनोहर गावस्कर ((Sunil Manohar Gavaskar). गावस्कर यांनी जगातील क्रिकेट खेळणाऱ्या देशांतील सर्वात जबरदस्त बॉलिंगचा सामना केला. त्यांनी कधी मागे फिरून बघितले नाही. सध्या त्यांचा एक किस्सा व्हायरल होत आहे.

४७ वर्षापूर्वी त्यांनी सुपरफ्लॉप इनिंग खेळली होती. ७ जून १९७५ ला संत खेळी खेळत गावस्कर यांनी इंग्लंडविरुद्ध लाजीरवाणा विक्रम आपल्या नावावर केला होता. आज त्याला ४७ वर्ष पूर्ण झाले आहेत.

१९७५ साली पहिला विश्वचषक खेळवण्यात आला. यामध्ये गावस्कर यांनी ७ जून १९७५ इंग्लंडच्या विरुद्ध १७४ चेंडूत नाबाद ३६ धावांची खेळी केली होती. या खेळीची आठवण आजही सर्वांना आल्याशिवाय राहत नाही.

गावस्कर यांच्या खेळीवर फक्त चाहतेच नाहीतर स्वत: सुनील गावस्कर देखील खूश नव्हते. अनेक वर्षांनंतर गावस्कर यांनी एका मुलाखती दरम्यान या खेळीबद्दल सांगितले होते. मी अनेकवेळा बाद होण्याचा प्रयत्न केला परंतु तसे झाले नाही, अनेकवेळा मी स्टंप सोडून फलंदाजी केली परंतु माझी विकेट पडली नाही असे सुनील गावसकर यांनी सांगितले होते.

१७४ चेंडूत नाबाद ३६ धावांची खेळी

१९७५ इंग्लंडच्या विरुद्ध १७४ चेंडूत नाबाद ३६ धावांची खेळी केली होती. गावस्कर यांची ती खेळी इतकी संथ होती की, ती पाहून क्रिकेट चाहत्यांच्या संयमाचा संपला होता. यादरम्यान त्यांची धावांची सरासरी 21 म्हणजेच 20.69 एव्हढी होती. एकदिवसीय क्रिकेटमध्ये गावस्करांच्या त्या खेळीत फक्त एकाच चौकाराचा समावेश होता, त्यामुळे कसोटी सामन्याची अनुभूती आली होती.

इंग्लंडविरुद्धच्या विश्वचषकातील पहिल्या सामन्यात त्यांनी त्या संथ खेळीची स्क्रिप्ट लिहिली होती. त्यावेळी एकदिवसीय सामना 50 ऐवजी 60 षटकांचा होता. इंग्लंडविरुद्धच्या या सामन्यात भारताचा दारुन पराभव झाला होता. इंग्लंडने हा सामना 202 धावांनी जिंकला होता.