T20 World Cup 2022: पाकिस्तानचा अष्टपैलु आणि माजी कर्णधार शाहिद आफ्रीदी हा कायम भारताविरोधात जे नाही ते बरळत असतो. त्याच्या नव्या विधानानं नेटकऱ्यांनी त्याची चांगलीच खरडपट्टी काढली आहे. भारताविरोधात पाकिस्तान हरला तर त्या सामन्याकडे एक खेळाडू आणि खिलाडूवृत्ती म्हणून न पाहता सर्वसामान्य प्रेक्षकाच्या भूमिकेतून त्याला पाहण्याची सवय लागली आहे असे नेटकऱ्यांचे म्हणणे आहे.

शाहिदनं सोशल मीडियावर पुन्हा एकदा भारताच्याविरोधात टीका टिप्पणी केली आहे. जी वादाच्या भोवऱ्यात सापडली आहे. त्यामुळे नेहमीप्रमाणे नेटकऱ्यांनी आफ्रिदेला शेलक्या शब्दांत सुनावले आहे. काही दिवसांपूर्वी पाकिस्तानच्या वेगवान गोलंदाजानं शोएब अख्तरनं भारत सेमीफायनलमध्ये जाणार की नाही यावरुन मोठं वक्तव्य केलं होतं. तोच धागा पकडून आता आफ्रिदेनं केलेलं वक्तव्य चर्चेत आलं आहे. भारतानं बांग्लादेशचा पराभव केला आणि पाकिस्तानच्या पोटात दुखू लागले. त्यानंतर त्यानं सोशल मीडियावर आपल्या मनातील खदखद व्यक्त केली आहे.

आफ्रिदी म्हणतो, बांग्लादेशविरोधात विजय मिळवल्यानंतर भारत हा दुसऱ्या स्थानावर गेला आहे. या सामन्या दरम्यान पाऊस पडला. मात्र ज्या घाईनं पुन्हा सामना सुरु करण्यात आला, त्यावरुन असे दिसते आहे की, आयसीसीला भारताला काही करुन सेमीफायनलपर्यत न्यायचेच आहे. आफ्रिदेच्या त्या वक्तव्याची मोठ्या प्रमाणावर चर्चा होऊ लागली आहे. नेटकऱ्यांनी त्याच्यावर सडकून टीका केली आहे.

अंपारिंग पाहून आफ्रीदी नाराज....

सध्या क्रिकेटविश्वात जे होते ते पाहून मला आश्चर्य वाटते. आता त्या फिल्डिंवरुन नवी चर्चा सुरु झाली आहे. शाकिब अल हसन तरी काय वेगळं करत होता. आणि ते सगळ्यांनी त्या स्क्रिनवर पाहिलं देखील. मैदान ओलं झालं होतं. त्यामुळे मला आता असं वाटतं आहे की, काहीही झालं तरी आयसीसीला भारताला सेमीफायनलपर्यत न्यायचे आहे. तसाच सगळा प्रकार आहे. भारत आणि पाकिस्तान सामन्याच्यावेळी जे पंच होते त्यांना तर जगातील सर्वोत्तम पंच असा अॅवॉर्ड मिळायला हवा. असा टोमणाही आफ्रीदेनं मारला आहे.