T20 World Cup Team India Squad : ऑस्‍ट्रेलियामध्‍ये होणार्‍या टी-20 विश्‍वचषकासाठी अवघे काही दिवस बाकी आहे. सर्व संघ विश्‍वचषकच्या तयारीत व्यस्त आहेत. टीम इंडियाचे कोणती 15 खेळाडू असतील जे विश्वचषक खेळण्यासाठी जातील, यावर सर्वांचे लक्ष लागून राहील आहे. आज 12 सप्टेंबर रोजी BCCI कडून T20 वर्ल्ड कपसाठी टीम इंडियाची घोषणा केली जाऊ शकते. टीम इंडियाच्या निवडकर्त्यांची बैठक आज मुंबईत होणार आहे. ज्यामध्ये वर्ल्डकप टीमची निवड होणार आहे. सायंकाळपर्यंत विश्वचषक संघाची घोषणा होण्याची शक्यता आहे.

यावर्षी ऑक्टोबर-नोव्हेंबर दरम्यान ऑस्ट्रेलियात टी-20 वर्ल्ड कप होणार आहे. आशिया कप-2022 मध्ये सुपर-4 टप्प्यातून बाहेर पडलेल्या टीम इंडियाने आता थेट विश्वचषकावर निशाणा साधला आहे. कर्णधार रोहित शर्माच्या नेतृत्वाखालील भारतीय संघाला येथे आशिया चषकातील चुकांची पुनरावृत्ती न करून आयसीसी ट्रॉफी जिंकण्यावर लक्ष केंद्रित करायचे आहे. आशिया चषकादरम्यानच रवींद्र जडेजाच्या गुडघ्याला दुखापत झाल्याने टीम इंडियाला मोठा धक्का बसला. त्याच्यावर शस्त्रक्रिया झाली आहे, मात्र तो टी-20 विश्वचषकातून जवळपास बाहेर असल्याचे मानले जात आहे.

विश्वचषकासाठी हा भारतीय संघ असेल का?

रोहित शर्मा, केएल राहुल, विराट कोहली, सूर्यकुमार यादव, ऋषभ पंत, हार्दिक पांड्या, रविचंद्रन अश्विन, दीपक हुड्डा, दिनेश कार्तिक, भुवनेश्वर कुमार, जसप्रीत बुमराह, हर्षल पटेल, युझवेंद्र चहल, अर्शदीप सिंग, अक्षर पटेल