हैदराबाद : जागतिक बॅडमिंटन अजिंक्यपद स्पर्धेत भारताच्या पीव्ही सिंधूने सुवर्ण पदक मिळवले आणि सर्व स्तरातून तिच्यावर कौतुकाचा वर्षाव होऊ लागला. जागतिक बॅडमिंटन अजिंक्यपद स्पर्धेत सुवर्ण पदक पटकविणारी ती पहिली महिला भारतीय बॅडमिंटनपटू ठरली आहे. अशात टॉलिबूडमधील स्टार नागार्जुनने तिला या यशाबद्दल बीएलडब्लूची खास कार भेट दिली आहे. 

नागार्जुनने तिला BMW X5 SUV भेट दिली आहे. हा कार्यक्रम हैदराबादच्या अन्नपूर्णा स्टुडिओमध्या पार पडला. ''अशा लोकांचा सन्मान करायला मिळणे हा आपलाच सन्माम आहे. ज्यांच्या कष्टांमुळे असे खेळाडू तयार होतात त्या गोपीचंद यांनाही माज्या शुभेच्छा. तसेच तिच्या आईवडिलांनाही देशाला एवढी उत्तम खेळाडूदिल्याबद्दल मला आभार द्यायचे आहेत,'' अशा शब्दांत त्याने सिंधूला शुभेच्छा दिल्या. 

यापूर्वीही ऑलिंपिकमध्ये रौप्य पदक पटकाविल्यानंतर भारताचा माजी क्रिकेटपटू सचिन तेंडुलकरनेही तिला याच कंपनीची कार भेट केली होती. 

या भेटीबद्दल बोलताना सिंधू म्हणाली, ''एव्हर ग्रीन सुपरस्टार नागार्जुन सर आणि गोपी सरांसोबत ही भेट स्वीकारताना मला खूप आनंद होत आहे. ऑलिंपिकमध्ये सुवर्ण पदक जिंकण्याचा नक्कीच प्रयत्न करेन.''