Team India : भारतीय क्रिकेट संघ सध्या वेगवेगळ्या संघांविरुद्धच्या मालिका खेळण्यात व्यस्त आहे. भारतीय संघाला यंदा आशिया कप आणि टी-20 विश्वचषक यांसारख्या मोठ्या स्पर्धांमध्ये खेळायच्या आहेत. टीम इंडियाला आता तीन सामन्यांच्या वनडे मालिकेसाठी झिम्बाब्वे गेली आहे. या सर्व दौऱ्यांमध्ये युवा खेळाडूंना सातत्याने संधी दिली जात आहे. पण एक खेळाडू असा आहे ज्याला टी-20 विश्वचषकानंतर संधी मिळालेली नाही.

भारतीय संघाचा स्टार फिरकी गोलंदाज वरुण चक्रवर्तीला दीर्घकाळ संघात खेळण्याची संधी मिळालेली नाही. टी-20 विश्वचषकापासून वरुण भारतीय संघातून बाहेर आहे. आयपीएलमध्ये चमकदार कामगिरी केल्यानंतर वरुणला टीम इंडियाकडून खेळण्याची संधी मिळाली. मात्र वरुण जास्त काळ संघात राहू शकला नाही. गतवर्षी झालेल्या T20 विश्वचषकासाठी त्याला भारतीय संघात स्थान देण्यात आले होते, मात्र त्या स्पर्धेत टीम इंडियाच्या पराभवानंतर वरुण पुन्हा भारतीय संघात दिसला नाही.

वरुण चक्रवर्तीच्या रूपाने टीम इंडियाला एक मिस्ट्री बॉलर सापडला आहे. पण आता या खेळाडूला टीम इंडियात परतणेही अशक्य झाले आहे. आता युझवेंद्र चहल, कुलदीप यादव आणि रवी बिश्नोईसारख्या गोलंदाजांच्या चमकदार कामगिरीमुळे वरुणला पुन्हा संधी मिळणे कठीण आहे. वरुणला मिस्ट्री बॉलर मानले जाते कारण त्याच्याकडे वेगवेगळे चेंडू टाकण्याची प्रतिभा आहे. आगामी झिम्बाब्वे मालिकेसाठी वरुण चक्रवर्तीलाही टीम इंडियामध्ये स्थान देण्यात आलेले नाही. गेल्या अनेक मालिकांपासून संघातील युवा खेळाडूंवर अधिक भर दिला जात असताना वरुणकडे सातत्याने दुर्लक्ष केले जात आहे.