भारतीय संघाने धर्मशालाच्या मैदानात श्रीलंकेचा धुव्वा उडवत मालिका 3-0 अशी खिशात घातली. या विजयासह रोहितच्या नेतृत्वाखाली टीम इंडियाने नवा इतिहास रचला आहे. भारतीय संघाचा आतंतरराष्ट्रीय टी-20 सामन्यातील हा सलग 12 विजय आहे. या विजयासह टीम इंडियाने अफगाणिस्तानच्या विश्व विक्रमाशी (World Record) बरोबरी केलीये. सलग 12 सामन्याचा विक्रम आधी अफगाणिस्तानच्या नावे होता. तिसऱ्या आणि अखेरच्या सामन्यात श्रीलंका संघाने टॉस जिंकून पहिल्यांदा बॅटिंग करताना भारतीय संघासमोर 147 धावांचे आव्हान ठेवले होते. श्रेयस अय्यरच्या नाबाद अर्धशतकाच्या जोरावर टीम इंडियाने हे आव्हान सहज परतवून लावले. (Team India equal world record for winning most consecutive T20I matches whitewash SL 3-0 )

भारतीय संघाने मिळवलेले विजय

1. विरुद्ध अफगानिस्तान- विजय (कर्णधार विराट कोहली)

2. विरुद्ध स्कॉटलंड- विजय- ( कर्णधार विराट कोहली

3. विरुद्ध नामीबिया- विजय (कर्णधार विराट कोहली)

4. विरुद्ध न्यूझीलंड- विजय (कर्णधार-रोहित शर्मा)

5. विरुद्ध न्यूझीलंड- विजय (कर्णधार-रोहित शर्मा)

6. विरुद्ध न्यूझीलंड- विजय (कर्णधार-रोहित शर्मा)

7. विरुद्ध वेस्ट इंडीज- विजय (कर्णधार-रोहित शर्मा)

8. विरुद्ध वेस्ट इंडीज- विजय (कर्णधार-रोहित शर्मा)

9. विरुद्ध वेस्ट इंडीज- विजय (कर्णधार-रोहित शर्मा)

10. विरुद्ध श्रीलंका- विजय (कर्णधार-रोहित शर्मा)

11. विरुद्ध श्रीलंका- विजय (कर्णधार-रोहित शर्मा)

12 विरुद्ध श्रीलंका - विजय (कर्णधार-रोहित शर्मा)

रोहितच्या नेतृत्वाखाली सलग तिसऱ्या मालिकेत प्रतिस्पर्ध्याला क्लीन स्विप

भारतीय संघाचे पूर्णवेळ नेतृत्व मिळाल्यानंतरची रोहित शर्माची ही तिसरी टी-20 मालिका होती. आतापर्यंतच्या तिन्ही टी-20 मालिकेत भारतीय संघाने प्रतिस्पर्धी संघाला क्लीन स्विप केले. टी-20 वर्ल्ड कपनंतर विराट कोहलीची जागा रोहित शर्माने घेतली. घरच्या मैदानावर रंगलेल्या न्यूझीलंड विरुद्ध सामन्यातून रोहितपर्वाला सुरुवात झाली. यावेळीही तीन सामन्यांच्या मालिकेत टीम इंडियाने बाजी मारली होती. वेस्ट इंडीजनंतर श्रीलंके विरुद्ध 3-0 असा विजय मिळवला.

• श्रीलंका- 3-0

• न्यूझीलंड- 3-0

• वेस्ट इंडीज- 3-0