इस्लामाबाद : भारताचा डेव्हिस चषक संघ तब्बल ६० वर्षांनंतर जागतिक गट प्ले ऑफ लढत खेळायला पाकिस्तानात जाणार आहे. याच पार्श्वभूमीवर पाकिस्तानकडून कडेकोट बंदोबस्ताची ग्वाही देण्यात आली आहे. भारतीय संघाला सुरक्षा कवच पुरवले जाणार आहे. बॉम्ब निकामी करणाऱ्या पथकाकडून प्रतिदिन इस्लामाबाद क्रीडा संकुलाचे निर्जंतुकीकरण करण्यात येणार आहे. तसेच संरक्षक दलाच्या दोन गाड्या सातत्याने भारतीय डेव्हिस चषक संघासोबत असणार आहेत.
आंतरराष्ट्रीय टेनिस संघटनेकडून भारतीय टेनिस संघाच्या सुरक्षेसाठी योजना बनवण्यात आली आहे. पाकिस्तान टेनिस संघटनेकडून याचे पालन करण्यात येणार आहे. भारतीय टेनिस संघातील खेळाडू, प्रशिक्षक, सहाय्यक यांना लढतीचे ठिकाण व हॉटेल इथपर्यंत मर्यादित ठेवण्यात येणार आहे.
भारतीयांवर यामुळे मर्यादा येतील, पण भारतीयांची सुरक्षा महत्त्वाची असल्याचे पाकिस्तान टेनिस संघटनेच्या पदाधिकाऱ्यांकडून याप्रसंगी स्पष्ट करण्यात आले. भारतीय टेनिस संघात पाच खेळाडूंचा समावेश आहे. तसेच यामध्ये दोन फिजीयो व दोन अधिकारी यांचीही निवड करण्यात आली आहे.
५०० टेनिसप्रेमींनाच प्रवेश
भारतीय टेनिस संघाच्या सुरक्षेसाठी इस्लामाबादमधील क्रीडा संकुलात फक्त ५०० टेनिसप्रेमींनाच प्रवेश देण्यात येणार आहे. पाकिस्तान टेनिस संघटनेकडून मर्यादा वाढवण्यासाठी प्रयत्न करण्यात येत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.