पुणे : भारताच्या अर्जुन कढे-साकेत मायनेनी यांच्या जोडीने चीनमधील चेंगडू एटीपी चॅलेंजर टेनिस स्पर्धेत विजेतेपद पटकावले. अंतिम सामन्यात त्यांनी कोरियाच्या नाम जी सुंग-सॉंग मीन क्यू यांच्यावर 6-3, 0-6, 10-6 अशी मात केली. अर्जुन-साकेतने भक्कम खेळ करताना सहापैकी तीन ब्रेकपॉइंट जिंकले.
दुसरीकडे त्यांनी प्रतिस्पर्धी जोडीला एकच ब्रेकपॉइंट मिळू दिला, जो त्यांनी वाचविला. एक तास दोन मिनिटे चाललेल्या सामन्यात त्यांनी चार बिनतोड सर्व्हिस केल्या. प्रतिस्पर्धी जोडीला अशी एकही सर्व्हिस करता आली नाही.
अर्जुनसाठी ही कामगिरी महत्त्वाची ठरली. तो यंदा आयटीएफ स्पर्धांत तीन वेळा अंतिम फेरीत हरला होता. त्यामुळे मोसमातील पहिले विजेतेपद चॅलेंजर पातळीवर मिळविणे त्याच्यासाठी उल्लेखनीय ठरले.
दुखपतींचा अडथळा आलेल्या साकेतने मोसमात प्रथमच उपांत्यपूर्व फेरीच्या पुढे मजल मारली होती. त्याने भारतीय खेळाडूंबरोबर यश मिळविले आहे. सनम सिंगसह तीन, तर दिवीज शरण, जीवन नेदून्चेझीयन, विजयसुंदर प्रशांत व आता अर्जुन यांच्या प्रत्येकी एक वेळा तो विजेता ठरला.
या स्पर्धेत अग्रमानांकित चिनी जोडीवर, जे डेव्हिस करंडक खेळतात त्यांना हरविणे टर्निंग पॉइंट ठरले. कोरियाचे खेळाडूसुद्धा डेव्हिस करंडक खेळलेले आहेत. त्यामुळे ही कामगिरी मनोधैर्य उंचावणारी आहे.
- अर्जुन कढे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.