रतन टाटा (Ratan Tata) यांनी आपल्या नेतृत्व आणि परोपकाराच्या माध्यमातून भारताच्या अर्थव्यवस्थेत मोठे योगदान दिले. त्यांची अशी अनेक योगदानं आहेत, ज्याकडं जगाचं लक्ष गेलं नाही.
Ratan Tata Passed Away : भारतातील दिग्गज उद्योगपती रतन टाटा यांनी वयाच्या 86 व्या वर्षी जगाचा निरोप घेतला. मुंबईतील ब्रीच कँडी रुग्णालयात उपाचारादरम्यान त्यांची प्राणज्योत मालवली. त्यांच्या निधनाने संपूर्ण देशात शोककळा पसरली असून, सर्वत्र हळहळ व्यक्त होत आहे.
रतन टाटा (Ratan Tata) यांनी आपल्या नेतृत्व आणि परोपकाराच्या माध्यमातून भारताच्या अर्थव्यवस्थेत मोठे योगदान दिले. त्यांची अशी अनेक योगदानं आहेत, ज्याकडं जगाचं लक्ष गेलं नाही. यापैकी एक म्हणजे 1983 मध्ये टीम इंडियाचा (Team India) ऐतिहासिक विश्वचषक विजय!
1983 च्या अविस्मरणीय विजयात रतन टाटा यांचं योगदान उल्लेखनीय होतं. या विजयानं भारतात क्रिकेटला आघाडीवर आणलं. परंतु, टाटांच्या योगदानाशिवाय हे शक्य झालं नसतं. त्याच्यामुळेच तर भारताच्या विजयासाठी तीन महत्त्वाचे खेळाडू तयार होऊ शकले. आम्ही मोहिंदर अमरनाथ, रवी शास्त्री आणि संदीप पाटील यांच्याबद्दल बोलत आहोत.
1983 च्या विश्वचषकापूर्वी (1983 World Cup) मोहिंदर अमरनाथ एअर इंडियाकडून तर, संदीप पाटील टाटा ऑइल मिल्सकडून खेळले होते. याशिवाय, रवी शास्त्री टाटा स्टीलकडून खेळायचे. अशा प्रकारे, तिन्ही खेळाडूंनी टाटा समर्थित देशांतर्गत संघांसह सुरुवात केली. त्यावेळी रतन टाटा यांनी टाटा समूहामध्ये व्यवस्थापकीय पद भूषवले होते. यावरून त्यांनी भारतातील क्रिकेटच्या विकासात किती मोठी भूमिका बजावली हे दिसून येते.
भारतीय क्रिकेटमधील रतन टाटा यांचं योगदान केवळ एवढ्यापुरते मर्यादित नव्हते. या तीन क्रिकेटपटूंशिवाय फारुख इंजीनियर (टाटा मोटर्स), जवागल श्रीनाथ (इंडियन एअरलाइन्स), संजय मांजरेकर (एअर इंडिया), किरण मोरे (टीएससी), रुसी सुरती (आयएचसीएल), संदीप पाटील, व्हीव्हीएस लक्ष्मण (इंडियन एअरलाइन्स), युवराज सिंग (इंडियन एअरलाइन्स), हरभजन सिंग (इंडियन एअरलाइन्स), सुरेश रैना (एअर इंडिया), रॉबिन उथप्पा (एअर इंडिया), मोहम्मद कैफ (इंडियन एअरलाइन्स), निखिल चोप्रा (इंडियन एअरलाइन्स), इरफान पठाण (एअर इंडिया), आर. पी. सिंग इत्यादी खेळाडूंनी आपल्या क्रिकेट करिअरची सुरुवात 'टाटा समूहा'च्या माध्यमातून केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.