Tokyo Olympics 2020 : ऑलिम्पिक स्पर्धेतील अखेरच्या टप्प्यात भारतीय खेळाडू दमदार कामगिरी करताना दिसत आहे. 53 किलो वजनी गटात विनेश फोगटने ऑलिम्पिक ब्राँझ मेडलिस्ट सोफियाला पराभूत करत क्वार्टर फायनलमध्ये प्रवेश केलाय. विनेशने प्रतिस्पर्धा खेळाडूला 7-1 अशा फरकाने पराभूत करत पुढची फेरी गाठलीये. पण क्वार्टर फायनलमध्ये तिला पराभवाचा सामना करावा लागला.

पहिल्या 3 मिनिटांच्या राउंडमध्येच विनेशने दोन पॉइंट गमावले. त्यानंतर दुसऱ्या फेरीत सुरुवातीलाच पटापट पॉइंट मिळवत बेलारुसच्या KALADZINSKAYA Vanesa हिने सामन्यावर मजबूत पकड मिळवली. पहिल्या फेरीनंतर विनेश आणि प्रतिस्पर्धी खेळाडूमध्ये 5-4 असा फरक होता. पण त्यानंतर दुसऱ्या फेरीत ही आघाडी आणखी वाढून 4-7 अशी झाली. अखेरच्या क्षणाला विनिंग डाव खेळण्याचा विनेशचा प्रयत्न उटला तिच्यावरच फिरला आणि 57 किलो वजनी गटातील अव्वल मानांकित विनेशला पराभवाचा सामना करावा लागला. आता बेलारुसची खेळाडू फायनलपर्यंत पोहचली तरच विनेशला कांस्य पदकासाठी आखाड्यात उतरण्याची संधी मिळू शकते.