Tokyo Paralympics: टोक्यो पॅरालिम्पिक्समध्ये पुरुष भालाफेक (javelin Throw) स्पर्धेत भारताच्या सुमित अंतिलने (Sumit Antil) सुवर्णपदक (Gold Medal) पटकावले. त्याने ६८.५५ मीटर (meters) इतका लांब भाला फेकला आणि विश्वविक्रम (World Record) प्रस्थापित केला. F64 गटात सुमितने एकदा-दोनदा नव्हे तर चक्क तीन वेळा जुना विश्वविक्रम मोडीत काढला. पहिल्या प्रयत्नात त्याने ६६.९५ मीटर लांब भालाफेक करत विश्वविक्रम मोडीत काढला. त्यानंतर दुसऱ्या प्रयत्नात त्याने स्वत:चाच आधी विक्रम मोडला. तर पाचव्या प्रयत्नात त्याने ६८.५५ मीटर लांब भालाफेक करत नवा विश्वविक्रम प्रस्थापित केला. सुमितचा भारतीय सहकारी संदीप चौधरी याने ६२.२० मीटर भालाफेक करत स्पर्धेत चौथा क्रमांक पटकावला.

ऑस्ट्रेलियाचा मीचॅल बरियन याने ६६.२९ मीटर लांब भालाफेक करून रौप्यपदक कमावले. तर, श्रीलंकेचा दुलान कोडीथुवक्कू याने कांस्यपदक पटकावले. अंतिलने F64 गटात पहिल्याच प्रयत्नात नवा विश्वविक्रम प्रस्थापित केला.