सोची - टोनी क्रूसने सामन्यातील काही सेकंद बाकी असताना सोडलेल्या चेंडूरूपी क्षेपणास्त्राने जर्मनीच्या विश्‍वकरंडक मोहिमेतच जानच ओतली नाही, तर कोरियाच्याही आशा जिवंत केल्या. 

जर्मनी-स्वीडन लढत बरोबरीत सुटली असती तर कोरियाचे आव्हान संपणार, हे निश्‍चित होते. या परिस्थितीत कोरियास मेक्‍सिको (6) आणि स्वीडनला (4) मागे टाकण्याची कोणतीही संधी नव्हती; पण गतविजेत्यांच्या विजयामुळे जर्मनी आणि स्वीडनचे प्रत्येकी तीन गुण झाले. कोरिया अखेरच्या लढतीत जर्मनीस हरवून बाद फेरीची आशा आता बाळगू शकते. 

हेही होऊ शकते 
- अखेरच्या फेरीत मेक्‍सिको-स्वीडन आणि जर्मनी-कोरिया लढती, या दोन लढतींतील ठिकाणात 965 कि.मी. अंतर 
- स्वीडनने मेक्‍सिकोला आणि जर्मनीने कोरियास हरवले तर या परिस्थितीत गोलफरक निर्णायक, सध्या तरी यात मेक्‍सिकोची (+2) आघाडी, जर्मनी आणि स्वीडनचे समान, प्रत्येकी 0 
- दोन्ही लढती बरोबरीत सुटल्यास मेक्‍सिको अव्वल; तर जर्मनी दुसरे होऊ शकतील. जर्मनीने स्वीडनला हरवल्याने गुण तसेच गोलफरक समान असला तरी दोघांतील लढतीत जर्मनी अव्वल 
- मेक्‍सिको तसेच जर्मनीने अखेरची लढत जिंकल्यास मेक्‍सिको अव्वल 
- गट उपविजेत्याची ब्राझीलविरुद्ध लढत अपेक्षित, त्यामुळे मेक्‍सिको अर्थातच विजयासाठी जास्त उत्सुक