UEFA Euro 2020 Portugal vs Hungary : कर्णधार ख्रिस्तियानो रोनाल्डोने अखेरच्या टप्प्यात केलेले दोन गोल आणि राफेल गुरेरो याच्या गोलच्या जोरावर पोर्तुगालने युरो कपमध्ये विजयी सलामी दिली. सलामीच्या सामन्यात पोर्तुगालने हंगेरीचा 3-0 असा धुव्वा उडवला. ग्रुप -F मध्ये पोर्तुगाल आणि हंगेरी यांच्यातील सामना रंगला होता. रोनाल्डोच्या पोर्तुगालने सामन्यात सुरुवातीपासून दबदबा ठेवला. रोनाल्डो 19 व्या आणि 43 मिनिटाला गोलची संधी हुकली. त्याच्याशिवाय फॉरवर्डला खेळणाऱ्या डिओगा जोटाने दोन संधी दवडल्या. परिणामी पहिला हाफनंतर स्कोअर बोर्डवर 0-0 असे चित्रच पाहायला मिळाले.

दुसऱ्या हाफमध्ये पोर्तुगालने आक्रमण कायम ठेवले. 83 व्या मिनिटाला राफेल गुरेरो याने पोर्तुगालला खाते उघडून दिले. त्यानंतर 86 व्या मिनिटाला गोल करत रोनाल्डोने संघाला 2-0 अशी आघाडी मिळवून दिली. इंज्युरी टाईममध्ये रोनाल्डोने 91 व्या मिनिटाला आणखी एक गोल मिळवून दिला. अखेरच्या क्षणात पोर्तुगालने दमदार खेळाचे प्रदर्शन करत सलामीच्या लढतीत दमदार विजय मिळवला.

पहिल्या हाफमध्ये पोर्तुगालने एकूण 5 गोलच्या संधी निर्माण केल्या. यात त्यांनी 2 ऑन शॉट्स टार्गेट मारले. हंगेरीने केवळ एक संधी निर्माण केली त्यातही त्यांना ऑन टार्गेट शॉट्स खेळण्यात अपयश आले. पहिल्या हाफमध्ये पोर्तुगालने एकूण 5 गोलच्या संधी निर्माण केल्या. यात त्यांनी 2 ऑन शॉट्स टार्गेट मारले. हंगेरीने केवळ एक संधी निर्माण केली त्यातही त्यांना ऑन टार्गेट शॉट्स खेळण्यात अपयश आले. पहिला हाफ गोलशून्य बरोबरीनंतर दुसऱ्या हाफमध्ये अखेरच्या 8 मिनिटाला पोर्तुगालने 3 गोल केले.