UEFA Euro 2020 England vs Denmark : युरो कप स्पर्धेतील इंग्लंड आणि डेन्मार्क यांच्यातील दुसरी सेमीफायनलही एक्स्ट्रा टाईममध्ये गेली. मिकेल डॅमसगार्डने 30 व्या मिनिटाला डेन्मार्कसाठी पहिला गोल डागला. इंग्लंडने या स्पर्धेत खाल्लेला हा पहिला गोल ठरला. स्पर्धेतील प्रबळ दावेदार समजल्या जाणाऱ्या इंग्लंडविरुद्ध डेन्मार्कच्या संघाला 1- 0 आघाडी केवळ 9 मिनिटेच टिकवता आली. 39 मिनिटाला डेन्मार्कच्या सीमन केजेरच्या स्वंय गोलामुळे इंग्लंडने सामना 1-1 असा बरोबरीत आणला. त्यानंतर दोन्ही संघाला गोल करण्यात अपयश आले. इंग्लंडने अनेक संधी निर्माण केल्या. पण त्यांना गोल डागता आला नाही. 2000 नंतर युरो कप स्पर्धेतील दुसरी सेमीफायनलही एक्स्ट्रा टाईममध्ये जाण्याची ही पहिलीच वेळ आहे.