India vs Sri Lanka 1st T20 : भारतीय युवा वेगवान गोलंदाज उमरान मलिक त्याच्या वेगासाठी ओळखला जातो. त्याने आयपीएलमध्ये आपल्या वेगानं सगळ्यांना प्रभावित केलं आहे. भारतीय संघात त्याला म्हणूनच आणलं आणि इथेही तो तशीच गोलंदाजी करत आहे. वानखेडे स्टेडियमवर श्रीलंकेविरुद्ध खेळल्या गेलेल्या पहिल्या टी-20 सामन्यात उमरान मलिकने आपल्या वेगवान गोलंदाजीने अनुभवी गोलंदाज जसप्रीत बुमराहचा मोठा विक्रमही मोडीत काढला आहे. उमरानने 155 किमी प्रतितास वेगाने गोलंदाजी करत श्रीलंकेचा कर्णधार दासुन शनाकाला बाद केले.
उमरान मलिकला श्रीलंकेविरुद्धच्या पहिल्या टी-20 सामन्यात खेळण्याची संधी मिळाली आणि त्याने आपल्या उत्कृष्ट गोलंदाजीने ही निवड योग्य ठरवली. त्याने 4 षटकात केवळ 27 धावा देत 2 बळी घेतले. भारताच्या आवाक्याबाहेर सामना जात असताना त्याने श्रीलंकेचा कर्णधार दासुन शनाकाची विकेट घेतली. उमरानने 155 किमी प्रतितास वेगाने गोलंदाजी करून त्याला आश्चर्यचकित केले.
यासोबतच उमरान मलिकने जसप्रीत बुमराहचा मोठा विक्रमही मोडला आहे. आता तो भारतीय गोलंदाजांमध्ये सर्वात वेगवान गोलंदाज ठरला आहे. यापूर्वी हा विक्रम जसप्रीत बुमराहच्या नावावर होता ज्याने 153.36 किमी प्रतितास वेगाने गोलंदाजी केली होती. याशिवाय मोहम्मद शमीने 153.3 आणि नवदीप सैनीने 152.85 किमी प्रतितास वेगाने गोलंदाजी केली. उमरान मलिक आता या सगळ्यांच्या पुढे गेला आहे. भारतीय संघाने हा सामना दोन धावांनी जिंकून मालिकेत 1-0 अशी आघाडी घेतली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.