Rishabh Pant Car Accident: क्रिकेटर ऋषभ पंत लवकर बरा व्हावा म्हणून चाहते देवाचा धावा करत आहे. यासगळ्यात ऋषभची मैत्रीण उर्वशी रौतेलाच्या सोशल मीडियावर नेटकऱ्यांचे लक्ष आहे. आता उर्वशीच्या आईनं ऋषभ पंतसाठी खास पोस्ट शेयर केली होती.

मीरा रौतेला यांनी आपल्या पोस्टमध्ये लिहिलं आहे की, सोशल मीडियावर ज्या काही अफवा आहेत त्याचा कोणताही परिणाम ऋषभवर होणार नाही. ऋषभ तू कोणतीही काळजी करु नको. तुला आणखी खेळायचे आहे. उत्तराखंडचे नाव जगात मिरवायचे आहे. तेव्हा सिद्दबली बाबा तुझ्यावर कृपा करतील. हीच त्यांच्याकडे प्रार्थना असे मीरा यांनी म्हटले होते. यानंतर नेटकऱ्यांनी त्यांना या पोस्टनंतर खूप ट्रोल करण्यात आलं.

आता त्यांनी पुन्हा एकदा इन्स्टाग्रामवर आणखी एक पोस्ट लिहित टीकाकारांना चोख उत्तर दिलं आहे. स्वत:चा फोटो पोस्ट करत त्यांनी कॅप्शनमध्ये लिहिलं, ‘जर स्वत:ची किंमत माहीत असेल तर दुसऱ्यांनी केलेली निंदा आपल्याला स्पर्शही करू शकत नाही.’

ऋषभ पंतची आज शस्त्रक्रिया होणार आहे. दुखापतीवरील शस्त्रक्रियेनंतर तो अनिश्चित काळासाठी क्रिकेटपासून दूर राहणार आहे, अशी माहिती बीसीसीआयने बुधवारी दिली आहे. बीसीसीआयने त्याला हवाई रुग्णवाहिकेतून मुंबईला आणण्याचा निर्णय घेतला कारण, कोणत्याही व्यावसायिक विमानातून प्रवास करण्याच्या स्थितीत नव्हता.