Virat Kohli Kishore Kumar's Bungalow : विराट कोहलीने दिग्गज गायक किशोर कुमार यांच्या बंगल्याचे रूपांतर एका सुंदर रेस्टराँमध्ये रूपांतरित केले आहे. याबाबतचा व्हिडिओ विराट कोहलीने यूट्यूब चॅनलवर देखील शेअर केला आहे. विशेष म्हणजे हे रेस्टराँ हे दिग्गज गायक किशोर कुमार यांच्या जुन्या बंगल्यांत उभारण्यात आले आहे.

विराट कोहली हा भारतातील एक स्पोर्ट्स आयकॉन आहे. याचबरोबर तो अनेक व्यवसाय देखील करतो. त्याने अनेक व्यवसायात आपली गुंतवणूक केली आहे. यात 'One8 Commune' या जबरदस्त रेस्टराँ चेनमध्ये देखील त्याने गुंतवणूक केली आहे. याच चेनचे एक आऊटलेट हे मुंबईत उघडण्यात आले आहे.

विराट कोहलीने जुहूच्या या रेस्टराँ बाबत आपल्या यूट्यूब व्हिडिओत माहिती दिली आहे. या व्हिडिओत मनिष पॉल गेस्ट म्हणून रेस्टराँमध्ये येतो.

हा गौरी कुंज हा बंगला किशोर कुमार यांचा आहे. किशोर कुमार यांच्याबद्दल विराटला नितांत आदर आहे. या व्हिडिओत देखील तो त्याने गौरी कुंजमध्ये रेस्टराँ का सुरू केलं आणि या मागची कल्पना काय आहे याबाबत सांगितले. विराट कोहली म्हणाला की, 'हा स्वर्गवासी किशोर कुमार यांचा बंगला आहे. हा बंगला आमच्या संकल्पनेशी अगदी जुळून गेला.'