Tamil Nadu Murder : भारतामध्ये क्रिकेट चाहते आपल्या आवडच्या क्रिकेटपटूसाठी काहीही करायला तयार असतात. भारतामध्ये क्रिकेट चाहत्यांची कमी नाही. अनेकदा आवडत्या क्रिकेटपटूसाठी चाहते आपली हद्द पार करतात, पण तामिळनाडूमध्ये एक धक्कादायक घटना घडली आहे. तामिळनाडूच्या अरियालूर जिल्ह्यात रोहित शर्माच्या चाहत्याने विराटच्या आरसीबी टीमची खिल्ली उडवली. आरसीबीची चेष्टा केल्याचा राग आल्याने त्याच्या मित्राने त्याची हत्या केली. खून करणाऱ्या आरोपीला अटक करण्यात आली असून तो पोलिसांच्या ताब्यात आहे. या प्रकारानंतर सोशल मीडियावर जोरदार चर्चा सुरु आहे.

पोलिसांनी दिलेल्या माहितीनुसार, दोघेही मित्र दारूच्या नशेत कोहली आणि रोहित यांच्यात वाद घालत होते. यादरम्यान आरोपी धर्मराजने त्याच्या मित्र विघ्नेशची हत्या केली. पी विघ्नेश वय 24 असे मृताचे नाव आहे. त्याचवेळी आरोपी हा त्याचा मित्र धर्मराज असून त्याचे वय 21 वर्षे आहे. दोघांनाही क्रिकेट खेळात खूप रस होता. मृत विघ्नेश हा आयटीआय पूर्ण केल्यानंतर व्हिसाची वाट पाहत होता.

काय आहे संपूर्ण प्रकरण?

तमिळनाडूच्या अरियालूर जिल्ह्यातील पोयूर गावचे रहिवासी असलेले विघ्नेश आणि धर्मराजा चांगले मित्र होते. दोघांनाही क्रिकेटचा खेळ आवडायचा आणि दोघेही अनेकदा क्रिकेटशी संबंधित गोष्टींवर एकमेकांशी वाद घालायचे. विघ्नेश रोहित शर्मा आणि मुंबई इंडियन्सचा चाहता होता, तर धरमराज विराट कोहली आणि आरसीबी संघाचा चाहता होता. मंगळवारी रात्रीही दोघेही सिडको औद्योगिक वसाहतीजवळ क्रिकेटवर गप्पा मारत होते. दोघेही दारूच्या नशेत होते.

बोलता बोलता धर्मराज आणि विघ्नेश अनेकदा त्याची चेष्टा करायचा. मंगळवारीही विघ्नेशने धर्मराजच्या स्टमरची खिल्ली उडवली आणि आरसीबी टीमसह विराट कोहलीवरही अनेक कमेंट्स केल्या. दारूच्या नशेत असलेल्या धर्मराजला हे आवडले नाही. त्याने आपल्याच मित्रावर बाटलीने हल्ला केला. यानंतर क्रिकेटच्या बॅटने त्याच्या डोक्यात वार करून घटनास्थळावरून निघून गेला. दुसऱ्या दिवशी सकाळी विघ्नेशचा मृतदेह सिडको कारखान्यात कामावर जाणाऱ्या काही मजुरांच्या निदर्शनास आला आणि त्यांनी स्थानिक पोलिसांना माहिती दिली. त्यानंतर हा संपूर्ण प्रकार उघडकीस आला.