Virat Kohli Record Break Inning : भारताने श्रीलंकेविरूद्धच्या पहिल्याच वनडे सामन्यात धडाकेबाज फलंदाजीचा नमुना पेश केला. सलामीवीर रोहित शर्मा (83 धावा) आणि शुभमन गिलने (70 धावा) 143 धावांची सलामी देत पाया रचला होता. त्यावर विराट कोहलीने कळस चढवला. विशेष म्हणजे आजच्या सामन्यात विराट कोहलीने एक मोठा विक्रम देखील आपल्या नावावर केला. त्याने मास्टर ब्लास्टर सचिन तेंडुलकरला मागे टाकले.
भारताकडून सलामीवीर रोहित शर्मा आणि शुभमन गिल यांनी 19 षटकात 143 धावांची धडाकेबाज सलामी दिली. यानंतर विराट कोहलीने तेथून भारताचा डाव पुढे नेत विराट कोहलीने आपले 73 वे आंतरराष्ट्रीय शतक ठोकले. याचबरोबर विराट कोहलीने आपल्या वनडेमधील 12500 धावा देखील पूर्ण केल्या. या धावा पूर्ण करताना विराट कोहलीने इतिहास रचला.
विराट कोहली वनडे इतिहासात डावांच्या बाबतीत सर्वात वेगवान 12500 धावा पूर्ण करणारा खेळाडू ठरला. त्याने सचिन तेंडुलकरला देखील मागे टाकले. विराट कोहलीने 257 डावात वनडेतील 12500 धावा पूर्ण केल्या. तर सचिन तेंडुलकरने हा विक्रम 310 डावात केला होता. या यादीत आता सचिन तेंडुलकर दुसऱ्या स्थानावर आहे. त्यानंतर तिसऱ्या स्थानावर ऑस्ट्रेलियाचा रिकी पॉटिंग (328 डाव) आहे. (Sports Latest News)
मायदेशात सर्वात कमी डावात सर्वाधिक वनडे शतक ठोकणारे खेळाडू
विराट कोहली (भारत) 99 डाव 20 शतके
सचिन तेंडुलकर (भारत) 160 डाव 20 शतके
हाशिम आमला (दक्षिण आफ्रिका) 69 डाव 14 शतके
रिकी पॉटिंग (ऑस्ट्रेलिया) 151 डाव 14 शतके
सध्या खेळत असलेल्या खेळाडूमध्ये सर्वाधिक शतके करणारा खेळाडू
विराट कोहली 73
डेव्हिड वॉर्नर 45
जो रूट 44
स्टीव्ह स्मिथ 42
रोहित शर्मा 41
हेही वाचा : योग्य वेळेतच करा इच्छापत्र आणि व्हा चिंतामुक्त
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.