नवी दिल्ली : भारताचा कर्णधार विराट कोहलीने त्याच्या 31व्या वाढदिवसामिनित्त ट्विटरवर एक पत्र शेअर केलं आहे जे त्यानं 15 वर्षांच्या चीकूला म्हणजेच स्वत:लाच लिहले आहे. त्याने 15 वर्षांच्या चीकूला आयुष्यात शिकलेल्या गोष्टींबद्दल सांगितले आहे.
त्याने लिहले आहे, ''हाय चीकू, सर्वांत आधी तुला वाढदिवसाच्या शुभेच्छा! मला माहित आहे तुला तुझ्या भविष्याबाबत खूप प्रश्न आहेत मात्र, मी सगळ्याच प्रश्नांची उत्तर नाही देऊ शकतं कारण मला नाही माहित पुढे तुझ्यासाठी काय सरप्राईज ठेवले आहेत. लक्ष्यापर्यंत पोहोचण्यापेक्षा तिथे पोहोचण्याचा प्रवास जास्त महत्वाचा असतो आणि माझा हा प्रवास सुपर आहे.''
त्याच्या परिवाराबद्दल लिहताना तो चीकूला म्हणतो, "तुला असं वाटतं असेल की आई-बाबा तुला आता समजून घेत नसतील पण नेहमी लक्षात ठेव की कोणत्याही परिस्थितीत हा परिवारच आपल्यासोबत उभा राहतो. त्यांच्यावर प्रेम कर, त्यांचा आदर कर आणि जोवर त्याच्यासोबत आहेस त्यांना वेळ दे. बाबांना सांग की तुझं त्यांच्यावर खूप प्रेम आहे. हे त्यांना तु रोज सांग, जेव्हा संधी मिळेल तेव्हा पुन्हा पुन्हा सांग.''
त्याने स्वत:ला लिहलेलं हे भावूक पत्र खूप व्हायरल होत आहे. कोहली सध्या भूतानमध्ये त्याची पत्नी अनुष्कासोबत ट्रीपवर त्याचा वाढदिवस साजरा करत आहे. त्याने त्याला दिलेल्या शुभेच्छांसाठी सर्वांचे आभार मानले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.