Team India : रोहित शर्माच्या नेतृत्वाखाली टीम इंडिया सध्या क्रिकेट वर्ल्ड कप खेळण्यात व्यस्त आहे. वर्ल्ड कपनंतर भारताला ऑस्ट्रेलियाविरुद्ध पाच सामन्यांची टी-20 मालिका खेळायची आहे. आता या मालिकेबाबत एक महत्त्वाची बातमी समोर येत आहे.

अहवालानुसार, या मालिकेसाठी भारतीय क्रिकेट संघाचे माजी खेळाडू आणि राष्ट्रीय क्रिकेट अकादमी (NCA) प्रमुख व्ही. व्ही. एस.लक्ष्मण यांच्याकडे टीम इंडिया'च्या प्रशिक्षकपदाची धुरा सोपवण्यात येऊ शकते. राहुल द्रविड यांचा प्रशिक्षकपदाचा कार्यकाळ या वर्ल्ड कपपर्यंत आहे

वर्ल्ड कप संपल्यानंतर राहुल द्रविडचा करारही संपुष्टात येणार आहे. वर्ल्ड कप संपल्यानंतर आठवडाभरात टी-20 मालिका सुरू होईल, त्यामुळे या मालिकेपूर्वी नवीन प्रशिक्षक नियुक्तीची प्रक्रिया पूर्ण होणार नाही. त्यामुळे लक्ष्मणला टी-20 मालिकेसाठी मुख्य प्रशिक्षकाची जबाबदारी मिळू शकते.

वर्ल्ड कपनंतर भारतीय संघ थेट ऑस्ट्रेलियाशी टी- २० मालिका खेळणार आहे. त्यामुळे भारताच्या संघातील सर्व वरिष्ठ खेळाडूंना या मालिकेसाठी विश्रांती देण्यात येण्याची दाट शक्यता आहे. नवख्या खेळाडूंनी संधी मिळू शकते.

ऑस्ट्रेलियाविरुद्ध टी-20 मालिका

• पहिला T20 – 23 नोव्हेंबर – विशाखापट्टणम

• दुसरा T20 - 26 नोव्हेंबर - तिरुवनंतपुरम

• तिसरा T20 - 28 नोव्हेंबर - गुवाहाटी

• चौथा T20 - 01 डिसेंबर - नागपूर

• पाचवा T20 - 03 डिसेंबर - हैदराबाद