Wanindu Hasaranga Viral Video : आगामी आशिया कप 2023 मध्ये श्रीलंका क्रिकेट संघाचा स्टार फिरकीपटू वानिंदू हसरंगा खेळताना दिसणार आहे. मात्र याआधी हसरंगाचा एक व्हिडिओ सोशल मीडियावर मोठ्या प्रमाणात व्हायरल होत आहे. ज्यामध्ये तो ढसाढसा रडताना दिसत आहे. खरं तर, हसरंगाच्या धाकट्या बहिणीचे लग्न होते.

आरसीबीचा स्टार खेळाडू वानिंदू हसरंगाच्या धाकट्या बहिणीने लग्नगाठ बांधली आहे. वनिंदू हसरंगा त्यांच्या निरोपाच्या वेळी खूप भावूक झाला. त्या व्हिडिओ मध्ये तुम्ही बघू शकता की, बहिणीला मिठी मारल्यानंतर हसरंगा खूपच भावूक झाला आणि बहिणीचे अश्रूही थांबत नाहीत. 1 मिनिट 21 सेकंदांचा हा व्हिडिओ इतका भावूक आहे, जो पाहून तुम्हीही भावूक व्हाल.

अलीकडे लंका प्रीमियर लीग 2023 मध्ये वानिंदू हसरंगा चांगल्या फॉर्ममध्ये दिसला. त्याने आपल्या अष्टपैलू कामगिरीने सर्वांची मने जिंकली. तो देशांतर्गत लीगमध्ये सर्वाधिक धावा करणारा आणि विकेट घेणारा गोलंदाज होता. त्याने 10 सामन्यात 34.88 च्या सरासरीने 279 धावा केल्या आणि 10.74 च्या सरासरीने 19 विकेट घेतल्या.

आशिया कप 2023 सुरु होण्यापूर्वी श्रीलंकेच्या क्रिकेट संघाला मोठा झटका बसला आहे. संघातील 4 क्रिकेटपटू दुखापतीमुळे आणि कोविड पॉझिटिव्ह आल्यामुळे स्पर्धेबाहेर जाऊ शकतात. वानिंदू हसरंगा आणि दुष्मंता चमीरा जखमी झाले आहेत, तर कुसल परेरा आणि अविष्का फर्नांडो यांना कोरोनाची लागण झाली आहे. आशिया कप 2023 चे 4 सामने हायब्रीड मॉडेलमध्ये खेळले जातील आणि 9 सामने फक्त श्रीलंकेत खेळले जातील.