नवी दिल्ली : भारतीय आणि वेस्ट इंडिज यांच्यात झालेल्या दुसऱ्या एकदिवसीय सामन्यात भारताचा कर्णधार विराट कोहलीने एकदिवसीय कारकिर्दीतील 42 वे शतक झळकाविले. भारताचा माजी कसोटीपटू वासिम जाफरने विराटचा खेळ पाहून तो तब्बल 75 ते 80 शतकं ठोकेल असा अंदाज व्यक्त केला आहे. 

विराटने दुसऱ्या एकदिवसीय सामन्यात केलेल्या 120 धावा केल्या, त्याच्या खेळीमुळे वासिम चांगलाच प्रभावित झाला आहे. आगामी काळात एकदिवसीय क्रिकेटमध्ये विराट किमान 75 ते 80 शतकं ठोकेल असा अंदाज वासिमने ट्विट करत व्यक्त केला आहे.