Wasim Jaffer : भारत आणि इंग्लंड (England Vs India) यांच्यात वनडे मालिका सुरू आहेत तर सोशल मीडियावर इंग्लंडचा माजी कर्णधार मायकल वॉन (Michael Vaughan) आणि भारताचा माजी फलंदाज वसिम जाफर (Wasim Jaffer) यांच्यात सोशल मॅच सुरू आहे. भारताने पहिल्या वनडे सामन्यात (1st ODI) इंग्लंडचा 10 गडी राखून पराभव केला. या पराभवानंतर मायकल वॉन शांत बसला नाही तर त्याने ट्विट करून वसिम जाफरला चिमटा काढला. त्याला आता वसिम जाफरने प्रत्युत्तर दिलं. सध्या जाफरचं हे ट्विट (Tweet) सोशल मीडियावर चांगलंच व्हायरल होत आहेत.

भारताने इंग्लंड विरूद्धचा पहिला वनडे सामना 45 षटकाच्या आतच जिंकला. त्यामुळे एका डावाची देखील 50 षटके सामना चालला नाही. यानंतर मायकल वॉननने ट्वि केले की, 'मी संध्याकाळी रिकामा आहे वसिम जाफर चहाला जायचं काय?' वॉन याचा रोख हा सामना खूपच लवकर संपला याच्याकडे होता.

वसिम जाफरने या ट्विटला प्रत्युत्तर दिले, जाफरने ट्विट केले की, 'हो नक्कीच मायकल, आधी मला माझी बदकं एका रांगेत आणू दे!#ENGvIND' पहिल्या वनडे सामन्यात इंग्लंडचे तब्बल 4 फलंदाज बदक मिळवत पॅव्हेलियनमध्ये परतले होते. जाफरने याच मुद्यावून मायकल वॉनला चिमटा काढला. पहिल्या सामन्यात जेसन रॉय, जो रूट, बेन स्टोक्स आणि लिम लिव्हिंगस्टोन शुन्यावर बाद झाले होते.

पहिल्या सामन्यात भारताने नाणेफेक जिंकून प्रथम गोलंदाजी करण्याचा निर्णय घेतला. जसप्रीत बुमराह आणि मोहम्मद शमीने भेदक मारा करत इंग्लंडचा संपूर्ण डाव 110 धावात गुंडाळला. बुमराहने 19 धावात 6 तर मोहम्मद शमीने 31 धावात 3 बळी टिपले. तर प्रसिद्ध कृष्णाने 1 विकेट घेतली. इंग्लंडकडून कर्णधार जोस बटरलने सर्वाधिक 30 धावा केल्या.

भारताने इंग्लंडचे 111 धावांचे आव्हान 20 षटकाच्या आतच पार केले. सलामीवीर रोहित शर्मा आणि शिखर धवन यांनी सावध सुरूवातीनंतर आक्रमक फलंदाजी केली. या दोघांनी नाबाद 111 धावांची भागीदारी रचत इंग्लंडचे आव्हान बिनबाद पार केले. रोहित शर्माने 58 चेंडूत नाबाज 76 धावांची तर शिखर धवनने 54 चेंडूत 31 धावांची नाबाद खेळी केली.