West Indies vs India 1st Test Day 3 : डॉमिनिका येथील विंड्सर पार्क कसोटीत भारताने वेस्ट इंडीजचा सामन्याच्या तिसऱ्या दिवशीच एक डाव अन् 141 धावांनी पराभव केला. दोन सामन्यांच्या कसोटी मालिकेत भारत आता 1 - 0 ने आघाडीवर आहे. भारताकडून रविचंद्रन अश्विनने पहिल्या डावात 5 अन् दुसऱ्या डावात 7 अशा एकून 12 विकेट्स घेतल्या. फलंदाजीत भारताचा पदार्पण करणारा सलामीवीर यशस्वी जैसवालने 171 धावांची दमदार खेळी केली.

चहापानानंतर तिसऱ्या सत्रात अश्विनच्या फिरकीसमोर विंडीजचा संपूर्ण संघ 130 धावात गारद झाला. त्याने 7 विकेट्स घेतल्या. भारताने विंडीजचा एक डाव अन् 141 धावा राखून पराभव केला.

तिसऱ्या दिवशीच्या दुसऱ्या सत्राचा खेळ संपला त्यावेळी वेस्ट इंडीजच्या 2 बाद 27 धावा झाल्या होत्या. वेस्ट इंडीज अजूनही 244 धावांनी पिछाडीवर आहे. भारताकडून रविंद्र जडेजाने चंद्रपॉलला तर अश्विने कर्णधार क्रेग ब्रेथवेटला बाद केले.

भारताने पहिल्या डावात 271 धावाची आघाडी घेतल्यानंतर आपला डाव घोषित केला. यानंतर वेस्ट इंडीजची दुसऱ्या डावाची सुरूवात चांगली झाली नाही. रविंद्र जडेजाने सलामीवीर तेगनारायण चंद्रपॉलला 7 धावांवर बाद केले.

विराट कोहली 76 धावांवर बाद झाल्यानंतर भारताने आपला पहिला डाव 421 धावांवर घोषित केला. भारताने डाव घोषित केला त्यावेळी जडेजा 37 तर इशान किशन 1 धाव करून नाबाद होते. भारताने पहिल्या डावात 271 धावांची आघाडी घेतली आहे.

भारताचा रनमशिन विराट कोहलीने आपले 29 वे अर्धशतक पूर्ण केले असून अजिंक्य रहाणे बाद झाल्यानंतर रविंद्र जडेजासोबत आक्रमक भागीदारी रचतोय. भारत 400 धावांच्या जवळपास पोहचला आहे.

विराट कोहलीसोबत तिसऱ्या विकेटसाठी शतकी भागीदारी रचणाऱ्या यशस्वी जैसवालला अखेर अल्झारी जोसेफने 171 धावांवर बाद केले. यशस्वीचे पदार्पणातच द्विशतक झळकावण्याचे स्वप्न भंगले. त्याने 387 चेंडूत 171 धावा केल्या.

विराट कोहली आणि यशस्वी जैसवालने तिसऱ्या विकेटसाठी शतकी भागीदारी रचली. यशस्वीने आपले दीडशतक पूर्ण केले असून विराटही अर्धशतकाच्या जवळ पोहचला आहे. भारताची आघाडी आता 200 पार पोहचली आहे.

यशस्वी जैसवालने तिसऱ्या दिवशीच्या तिसऱ्या षटकातच आपले दीडशतक पूर्ण केले.