West Indies Vs India 1st Test Day 2 : भारत आणि वेस्ट इंडीज यांच्यातील पहिल्या कसोटीचा दुसरा दिवस यशस्वी जैसवालनं गाजवला. त्याने दुसऱ्या दिवशीचे तीनही सत्र फलंदाजी करत 350 नाबाद 143 धावा केल्या. रोहित शर्माने देखील शतकी (103) खेळी केली. या दोघांनी दिलेल्या 229 धावांच्या सलामीच्या जोरावर भारताने दुसऱ्या दिवसअखेर 312 धावा केल्या. भारताकडे आता 162 धावांची आघाडी आहे. दिवसाचा खेळ थांबला त्यावेळी यशस्वी जैसवाल धावांवर 143 तर विराट कोहली 36 धावांवर खेळत होते.

गिल बाद झाल्यानंतर आलेल्या विराट कोहली आणि यशस्वी जैसवालने तिसऱ्या विकेटसाठी अर्धशतकी भागीदारी रचत भारताला 300 च्या पार पोहचवले.

भारताने दुसऱ्या सत्रात दोन विकेट्स गमावून 99 धावा केल्या. खेळ थांबला त्यावेळी भारताच्या 2 बाद 245 धावा झाल्या होत्या. भारताकडे 95 धावांची आघाडी होती.

यशस्वी जैसवालने आपल्या पदार्पणाच्या सामन्यात शतकी खेळी करत मोठा धमाका केला. तो शिखर धवन आणि पृथ्वी शॉ यांच्यानंतर पदार्पणाच्या कसोटी सामन्यात शतकी खेळी करणारा तिसरा सलामीवीर ठरला आहे.

यशस्वी जैसवाल आणि रोहित शर्मा यांनी 229 धावांची सलामी देत वेस्ट इंडीजविरूद्धची सर्वात मोठी सलामी भागीदारी रचली. रोहित शर्माने देखील आपले 10 वे कसोटी शतक 221 चेंडूत पूर्ण केले. मात्र शतकानंतर तो लगेचच बाद झाला.

रोहित शर्मा आणि यशस्वी जैसवाल यांनी दुसऱ्या दिवशीचे पहिले सत्र आरामात खेळून काढले. या दोघांनी नाबाद अर्धशतकी खेळी करत संघासाठी नाबाद 150 धावांची भागीदारी रचली.

यशस्वी जैसावाल पाठोपाठ कर्णधार रोहित शर्माने देखील आपले अर्धशतक पूर्ण केले.

यशस्वी जैसवालने आपल्या पदार्पणाच्या कसोटीतच अर्धशतकी खेळी केली. त्याने रोहित शर्माच्या साथीने नाबाद शतकी सलामी देखील दिली.

भारताची सलामी जोडी रोहित शर्मा आणि यशस्वी जैसवाल हे दुसऱ्या दिवशी बिनबाद 80 धावांपासून पुढे खेळण्यास सुरूवात करणार आहेत. या जोडीकडून मोठ्या भागीदारीची अपेक्षा आहे.