WFI Chief vs Wrestlers : शोषणाचा आरोप केल्यानंतर कुस्ती महासंघाचे अध्यक्ष बृजभूषण सिंग वादाच्या भोवऱ्यात सापडले आहेत.

हेही वाचा : प्राप्तिकर उत्पन्न सवलत मर्यादा वाढणार?

या अत्याचाराविरोधात देशभरातील अनेक स्तरातून या प्रकरणाचा निषेध केला जात आहे. दरम्यान, आरोप करणाऱ्या कुस्तीपटूंविरोधात कुस्ती महासंघाचे अध्यक्ष बृजभूषण सिंग यांनी दिल्ली उच्च न्यायालयात याचिका दाखल केली आहे.

दाखल करण्यात आलेल्या याचिकेत सिंग यांनी विनेश फोगट आणि साक्षी मलिकसह अनेक कुस्तीपटूंची नावे आरोपी म्हणून नमुद केली आहेत. त्यामुळे आता हा वाद अधिक पेटणार अशी शक्यता वर्तवली जात आहे.

कुस्तीपटूंनी लैंगिक छळ कायद्याचा गैरवापर करून न्यायव्यवस्थेची खिल्ली उडवल्याचे सिंग यांनी याचिकेत म्हटले आहे. तसेच कुस्तीपटू विनेश फोगट, बजरंग पुनिया यांच्यासह अनेक खेळाडूंविरुद्ध एफआयआर नोंदवण्यात यावा अशी मागणी बृजभूषण यांनी केली आहे.

दरम्यान, खेळाडूंच्या आरोपांनंतर क्रीडा मंत्रालयाने बृजभूषण शरण सिंग यांच्याविरोधात चौकशीचे आदेश दिले आहेत. याशिवाय सिंग यांना चार आठवडे कुस्ती संघटनेपासून दूर राहण्यास सांगण्यात आले आहे.