भारताचा मर्यादित षटकांचा कर्णधार रोहित शर्मानं आज फिटनेस चाचणी यशस्वीरित्या पूर्ण केली. त्याने यो-यो चाचणीही उत्तीर्ण केल्याचे वृत्त समोर येत आहे. काही तासांतच वेस्ट इंडिज मालिकेसाठी संघाची निवड होणार असून, त्यात तो सहभागी होणार असल्याचेही वृत्त आहे.

भारताला अहमदाबादमध्ये ६ फेब्रुवारीपासून वेस्ट इंडिजविरुद्ध तीन एकदिवसीय सामन्यांची मालिका खेळायची आहे. डाव्या पायाला दुखापत झाल्याने दक्षिण आफ्रिका दौऱ्यातून बाहेर पडलेला रोहित संघाचे नेतृत्व करण्यासाठी सज्ज झाला आहे. 16 ते 20 फेब्रुवारी दरम्यान कोलकाता येथे वेस्ट इंडिज विरुद्ध तीन T20 सामने खेळवले जातील (भारत विरुद्ध वेस्ट इंडिज T20I मालिका). त्याने आधीच मुंबईत प्रशिक्षण सुरू केले आहे आणि फिटनेस चाचणीसाठी बेंगळुरू नॅशनल क्रिकेट अकादमी गाठली आहे.

रोहित कसोटीचे कर्णधारही करणार!

रोहितला सध्यातरी कसोटी कर्णधार बनवणार हे जवळपास निश्चित असल्याचंही वृत्त आहे. तथापि, बीसीसीआय 2022 आणि 2023 मध्ये सलग दोन विश्वचषकांमध्ये संघाचे नेतृत्व करण्याची जबाबदारी आणि कार्यभार यासंबंधी इतर पर्यायांचा देखील विचार करत आहे. कर्णधार म्हणून लोकेश राहुलची पहिली मालिका अपेक्षेप्रमाणे झाली नाही आणि भविष्यात संघाचे नेतृत्व करण्याची संधी मिळेपर्यंत त्याला रोहितच्या मार्गदर्शनाखालीच राहावे लागेल, असे मानले जात आहे.

रोहितच्या अनुपस्थितीत भारताचा पराभव झाला

राहुलच्या नेतृत्वाखाली भारताने दक्षिण आफ्रिकेतील चारही आंतरराष्ट्रीय सामने गमावले आणि भारतीय क्रिकेटमधील निर्णयकर्त्यांचा असा विश्वास आहे की तो कर्णधार म्हणून नेतृत्व करू शकला नाही. इंडियन प्रीमियर लीगच्या आगामी हंगामात लखनौ सुपरजायंट्सचा कर्णधार म्हणून केएल राहुलच्या कामगिरीवर सर्वांचे लक्ष असेल असे मानले जाते.