पाकिस्तानच्या भालाफेकपटू अर्शद नदीमने पेरिस ऑलिम्पिकमध्ये भालाफेक इव्हेंटमध्ये ऐतिहासिक कामगिरी केली. त्यांनी 92.97 मीटर दूर भाला फेकून नवीन ऑलंपिक रेकॉर्ड केला आणि गोल्ड मेडल आपल्या नावावर केले. यापूर्वी नॉर्नच्या अॅथलीट थोरकिल्डसेन एंड्रियासने 2008 मध्ये बीजिंग ऑलिम्पिकमध्ये 90.57 मीटरचे रेकॉर्ड केले होते, जे आता नदीमने मोडले आहे. हा पाकिस्तानच्या इतिहासातील पहिला प्रसंग आहे, ज्यामध्ये ऑलिम्पिकमध्ये एखाद्या खेळाडूने व्यक्तिगत स्पर्धेत गोल्ड मेडल जिंकले आहे.
अर्शद नदीमचे वडील एक कामगार होते आणि त्यांच्या कुटुंबाची आर्थिक स्थिती चांगली नव्हती. त्यामुळे नदीमला पॅरिस ऑलिम्पिकसाठी प्रशिक्षण घेण्यासाठी पैसे नव्हते. त्यांना वर्गणी गोळा करावी लागली आणि जुने भाले वापरून तयारी करावी लागली. त्यांनी पाकिस्तानी क्रीडा प्रशासनाला नवीन भाल्याची मागणी केली होती, पण ती पूर्ण झाली नाही. त्यांच्या जुन्या भाल्यानेच त्यांनी आपल्या कौशल्याचा विकास केला.
एका मुलाखतीत, अर्शद नदीमने सांगितले की त्यांनी लहानपणी आपल्या वडिलांसोबत नेजाबाजीचा खेळ पाहिला आणि त्याच्याशी आवड निर्माण केली. त्यानंतर त्यांनी जैवलिन थ्रोमध्ये रस घेऊन प्रॅक्टिस सुरू केली. शाळेच्या स्पर्धेत त्यांच्या प्रतिभेची दखल घेतली गेली आणि कोच रशीद अहमदने त्यांना प्रशिक्षित केले.
आठ भावंडांपैकी तिसरे असलेल्या नदीमच्या कुटुंबाची स्थिती चांगली नव्हती. त्यांच्या वडिलांनी मजुरी करून त्यांची काळजी घेतली आणि प्रॅक्टिसमध्ये अडथळा येऊ नये म्हणून दूध आणि तुपाची सोय केली. नदीमचे सरकारी नोकरीचे स्वप्न होते आणि त्याने पाकिस्तान वॉटर अँड पॉवर डेव्हलपमेंट अथॉरिटीसाठी ट्रायल्स देखील दिले होते. पाकिस्तानच्या स्टार जैवलिन थ्रोअर सैय्यद हुसैन बुखारीने त्यांना पाहून त्यांचे करिअर उंचावले.
नदीमच्या वडिलांनी सांगितले की, नदीमच्या प्रशिक्षणासाठी मित्र, गावातील लोक आणि नातेवाईकांनी पैसे दिले. त्यांनी सांगितले की, नदीमने या यशापर्यंत पोहोचण्यासाठी खूप मेहनत घेतली आहे. त्याच्या मेहनतीमुळे आणि लोकांच्या आशीर्वादाने ते इथे पोहोचले आहेत. नदीमने 2011 मध्ये अॅथलेटिक्समध्ये पाऊल ठेवले आणि 2015 मध्ये पाकिस्तानचे राष्ट्रीय चॅम्पियन बनला. तर2022 मध्ये त्यांनी राष्ट्रकुल क्रीडा स्पर्धेत गोल्ड मेडल जिंकले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.