Rinku Singh Last-Ball Six Not Counted : भारत आणि ऑस्ट्रेलिया यांच्यात विशाखापट्टणम येथे खेळल्या गेलेल्या पाच सामन्यांच्या टी-20 मालिकेतील पहिला सामना रिंकू सिंगने विजयी षटकार मारून जिंकला. तुम्ही सर्वांनी हे पाहिले असेल, पण हे खरे नाही. रिंकू सिंगच्या खात्यात सहा धावा जमा झाल्या नाहीत.

भारताचा नवा कर्णधार सूर्यकुमार यादवने नाणेफेक जिंकून गोलंदाजी करण्याचा निर्णय घेतला. जोश इंग्लिशचे शतक आणि स्टीव्ह स्मिथच्या अर्धशतकाच्या जोरावर ऑस्ट्रेलियाने 3 गडी गमावून 208 धावा केल्या होत्या. टीम इंडियाने 19.5 षटकांत आठ विकेट गमावत 209 धावा करत सामना जिंकला. भारताने पहिल्या टी-20 सामन्यात ऑस्ट्रेलियाचा 2 गडी राखून पराभव केला आणि मालिकेत 1-0 अशी आघाडी घेतली.

टीम इंडियाने 19.5 षटकात 208 धावा केल्या होत्या. रिंकू सिंग क्रीजवर होता आणि त्याच्यासमोर शॉन अॅबॉट होता. सीन अॅबॉटने चेंडू टाकला आणि त्यावर रिंकू सिंगने षटकार ठोकला. भारताचा विजय निश्चित झाला आणि विजयी शॉट रिंकू सिंगच्या बॅटमधून आला असे सर्वांना वाटत होते, पण त्याआधीच टीम इंडियाने विजय मिळवला होता.

खरंतर झाले असे की, शॉन अॅबॉटने टाकलेला डावातील शेवटचा चेंडू नो बॉल होता. अशा स्थितीत टीम इंडियाने त्याच नो बॉलवर एका धावेने विजय मिळवला. यामुळे हा षटकार ना रिंकू सिंगच्या खात्यात जमा झाला नाही.