Women's Premier League BCCI Tickets Rates : बीसीसीआयची महत्वकांक्षी लीग वुमन्स प्रीमियर लीग ही येत्या 4 मार्चपासून सुरू होत आहे. पहिलाच सामना हा मुंबई इंडिन्स आणि गुजराज जायंट्स यांच्यात होणार आहे. मात्र उद्घाटनचा पहिला सामना अवघ्या 72 तासांवर आला असताना देखील बीसीसीआयने सामन्याच्या तिकीट विक्रीबाबत कोणतीच घोषणा केली नव्हती.

अखेर बीसीसीआयने WPL लीगच्या तिकीटांबाबत घोषणा केली असून क्रिकेट चाहत्यांना अवघ्या 100 रूपयात महिला प्रीमियर लीगचा आस्वाद याची देही याची डोळा घेता येणार आहे. WPL चे सर्व सामने हे मुंबईत होणार आहेत. याच सर्व सामन्यांच्या तिकीटांचे दर 100 रूपयांपासून सुरू होतात. बीसीसीआयचा WPL साठी ऑनलाईन तिकीट विक्री पार्टनर हा बूक माय शो आहे.

मात्र आयपीएल 2023 चा अनुभव पहायला गेलं तर ही तिकीटे आधीच बूक झालेली असतात. त्यात बीसीसीआयने WPL ची तिकीट विक्रीची घोषणा करण्यास उशीर केला आहे. WPL च्या पहिल्या हंगामाचा पहिला सामना हा 4 मार्चला मुंबईच्या डी. वाय पाटील स्टेडियमवर 4 मार्चला होणार आहे. हा सामना मुंबई इंडियन्स आणि गुजराज जायंट्स यांच्यात होणार आहे.

महिला प्रीमियर लीगमधील सर्व सामने हे मुंबईतील ब्रबॉर्न आणि डी. वाय. पाटील स्टेडियमवर होणार आहेत. या स्पर्धेत मुंबई इंडियन्स, गुजरात जायंट्स, मुंबई इंडियन्स, रॉयल चॅलेंजर बेंगलोर, दिल्ली कॅपिटल्स आणि यूपी वॉरियर्स यांचा समावेश आहे.

(Sports Latest News)

हेही वाचा : कॅशबॅक किंवा खरेदीवर सूट मिळणारंच कार्ड निवडा...