नवी दिल्ली : महिला आयपीएल म्हणून ओळखली जाणारी Women's T20 Challenge स्पर्धा येत्या 23 मे रोजी सुरू होणार आहे. ही स्पर्धा पुण्यात होणार असून त्यात तीन संघांचा समावेश आहे. बीसीसीआयने प्रत्येक संघात 16 खेळाडूंची निवड केली आहे. हरमनप्रीत कौर (Harmanpreet Kaur) सुपरनोव्हाज, स्मृती मानधना (Smriti Mandhana) ट्रेलब्लेझर्स आणि दिप्ती शर्मा (Deepti Sharma) ही व्हेलॉसिटी या संघाची कर्णधार असरणार आहे. 2020 मध्ये झालेल्या हंगामात ट्रेलब्लेझर्सने जिंकला होता.

दरम्यान, भारतीय महिला क्रिकेट संघातील दोन दिग्गज खेळाडू मिताली राज (Mithali Raj) आणि झुलन गोस्वामी (Jhulan Goswami) यांना कोणत्याही संघात स्थन मिळालेले नाही. याचबरोबर शिखा पांडेचा देखील कोणत्याही संघात समावेश करण्यात आलेला नाही. या स्पर्धेत 12 विदेशी खेळाडू देखील भाग घेणार आहेत. यात दक्षिण आफ्रिकेची सलामीवीर लॉरा वोलवार्ट आणि जागतिक क्रमवारीत पहिल्या स्थानावर असणारी गोलंदाज सोफी एक्लेस्टोन यांचा देखील समावेश आहे. तर थायलंडची नथाकेन चेनतम दुसऱ्यांदा या स्पर्धेत भाग घेणार आहे. महिला टी 20 चॅलेंज स्पर्धेत एलना किंग ही एकमेव ऑस्ट्रेलियन खेळाडू आहे. तर इंग्लंडच्या एक्लेस्टोनबरोबरच सोफिया डंक्ले आणि केट क्रॉ मस देखील टी 20 चॅलेंज स्पर्धेत खेळणार आहेत.

तीन संघ पुढीलप्रमाणे

सुपरनोव्हाज (Supernovas Team) : हरमनप्रीत कौर (कर्णधार), तानिया भाटिया, एलेना किंग्ज, आयुष सोनी, चंदू वी, डिएंड्रा डोटिन, हरलीन देओल, मेघना सिंह, मोनिका पटेल, मुस्कान मलिक, पूजा वस्त्रकार, प्रिया पुनिया, राशी कनौजिया, सोफी एक्लेस्टोन, सुने लुस आणि मानसी जोशी.

ट्रेलब्लेझर्स (Trailblazers Team) : स्मृती मांधना (कर्णधार), पूनम यादव, अरुंधती रेड्डी, हेली मॅथ्यूज, तेमिमा रोड्रिग्ज, प्रियांका प्रियदर्शनी, राजेश्वरी गायकवाड, रेणुका सिंह, ऋचा घोष, एस मेघना, सैका इशाक, सलमा खातून, शरमीन अख्तर, सोफिया ब्राऊन, सुजाता मलिक आणि एसबी पोखरकर

व्हेलॉसिटी (Velocity Team) : दिप्ती शर्मा (कर्णधार), स्नेह राणा, शेफाली वर्मा, अयाबोंगा खाका, केपी नवगिरे, कॅथरीन क्रॉस, किर्ती जेम्स, लॉरा वोलवार्ट, माया सोनवणे, नथाकेन चेनतम, राधा यादव, आरती केदार, शिवाली शिंदे, सिमरन बहादूर, यस्तिका भाटिया आणि प्रणवी चंद्रा.