नवी दिल्ली : पहिल्या दोन लढतींत पराभूत झाल्यानंतर श्रीलंका व पाकिस्तान या दोन संघांना पराभूत करून भारतात सुरू असलेल्या एकदिवसीय विश्‍वकरंडकात झोकात पुनरागमन करणाऱ्या ऑस्ट्रेलियन संघासाठी आनंदाची बातमी आहे. ट्रेव्हीस हेड दुखापतीमधून बरा झाला असून त्याचे ऑस्ट्रेलियन संघात आगमन झाले आहे.

दक्षिण आफ्रिकन संघाविरुद्धच्या मालिकेदरम्यान हेडच्या हाताला दुखापत झाली होती. आता ऑस्ट्रेलियन संघाचा पुढील सामना नेदरलँड्‌स संघाशी बुधवारी होणार आहे, पण या लढतीतही हेड खेळणार नाही. कारण अद्याप तो पूर्णपणे बरा झालेला नाही.