World Cup 2023 : वर्ल्ड कप 2032 च्या अंतिम फेरीतील पराभव पचवण्याचा प्रयत्न अजून पण क्रिकेट चाहते करत आहेत. मात्र, 2023 चा वर्ल्ड कप अनेक अर्थांनी संस्मरणीय ठरला आहे. डिस्ने प्लस हॉटस्टारवरील वर्ल्ड कप सामन्याने अनेक विक्रम रचले.

त्याच वेळी, वर्ल्ड कपने टीव्हीवरील दर्शकांचे अनेक विक्रम मोडले आहेत. वर्ल्ड कप फायनलनेही हाच ट्रेंड पुढे नेला आणि 30 कोटी लोकांनी तो टीव्हीवर पाहिला. अशा परिस्थितीत ही सर्वात मोठी क्रीडा स्पर्धा ठरली आहे. बीसीसीआयचे सचिव जय शाह यांनी ट्विट करून याची पुष्टी केली आहे.

बीसीसीआय सचिव जय शाह यांनी ट्विट करून लिहिले की, '30 कोटी क्रिकेट चाहत्यांनी क्रिकेट वर्ल्ड कप 2023 चा फायनल टीव्हीवर पाहिला. भारतीय टीव्ही इतिहासातील कोणत्याही प्रकारचा हा सर्वात जास्त पाहिला जाणारा सामना आहे. सर्वाधिक 13 कोटी प्रेक्षकांनी एकाच वेळी वर्ल्ड कप फायनल टीव्हीवर पाहिला. डिजिटलमध्ये हा दर्शकांचा आकडा 5.9 कोटी होता. हा एक जागतिक विक्रम आहे. भारतीय क्रिकेट चाहत्यांचे आमच्या खेळाबद्दलचे प्रेम आणि उत्कटता पाहून आम्ही पुन्हा एकदा भारावून गेलो आहोत. टीम इंडियाला पाठिंबा देणाऱ्या सर्वांचे आभार....

भारतीय संघ सलग 10 सामने जिंकून वर्ल्ड कपच्या अंतिम फेरीत पोहोचला होता. ट्रॉफी उचलण्यासाठी ते फेव्हरेट होते, परंतु संघ अंतिम अडथळा दूर करू शकला नाही. ऑस्ट्रेलियाने सहाव्यांदा वर्ल्ड कप जिंकला. 1987, 1999, 2003, 2007 आणि 2015 मध्येही तो चॅम्पियन बनला होता.