Shafali Verma no Ball Controversy : मुंबई इंडियन्स आणि दिल्ली कॅपिटल्स यांच्यात झालेल्या अतिशय रोमांचक अंतिम सामन्यात हरमनच्या संघाने दिल्ली कॅपिटल्सचा पराभव केला. दिल्ली कॅपिटल्स संघाने शेवटच्या षटकापर्यंत सामना जिंकण्याची आशा सोडली नव्हती. महिला प्रीमियर लीगचा पहिला हंगाम जिंकणारी हरमन पहिली विजेती कर्णधार ठरली.

दिल्ली संघाने नाणेफेक जिंकून गोलंदाजी निवडली. पहिल्या षटकात केवळ दोन धावा केल्या. दुसऱ्या षटकाच्या पहिल्या चेंडूवर शेफाली वर्माने षटकार ठोकला. पुढच्याच चेंडूवर त्याने इसी वँगविरुद्ध चौकार मारला. तिसरा चेंडू फुल टॉसचा होता, ज्यावर शेफाली वर्मा झेलबाद झाली.(Latest Sport News)

शेफाली वर्माच्या बॅटला चेंडू लागताच चेंडू हवेत गेला, नॉन स्ट्राइकवर उभी असलेली कॅप्टन मेग लॅनिंग आणि शेफालीने स्वतः मैदानावरील पंचांना प्रश्न केला, तो चेंडू कमरेच्या वर नाही का? मैदानावरील अंपायरने तिला आऊट दिले, पण WPL नियमांनुसार, नो बॉल आहे की उंच फुल टॉस आहे हे पाहण्यासाठी डीआरएस घेता येतो.

थर्ड अंपायरने प्रथम चेंडूची उंची पाहिली. शेफाली कुठे खेळतेय हेही पाहिलं. यानंतर, जेव्हा चेंडूचा मार्ग दिसला, तेव्हा चेंडू कमरेच्या वर आणि स्टंप वरून जाताना दिसत होता. तिसऱ्या पंचाने हा निर्णय बदलला नाही आणि शेफाली वर्माला आऊट दिला.

दिल्ली कॅपिटल्सनेही यावर प्रश्न उपस्थित केले आहेत, तर क्रिकेट चाहते मुंबई इंडियन्सवर टीका करत आहेत. दिल्ली कॅपिटल्सच्या या ट्विटवर अनेक प्रतिक्रिया आल्या आहेत. या निर्णयात लोक मुंबई इंडियन्सला वेगवेगळ्या प्रकारे सहभागी करून घेत आहेत. एकाच्या चाहत्याने कमेंट करताना लिहिले की, अंबानीने अंपायर खिशात घेतले होते.