वर्ल्ड रेसलिंग एंटरटेनमेंट (WWE) चॅम्पियन द ग्रेट खली म्हणजेच दलीप सिंग राणा यांचा एक व्हिडिओ सोशल मीडियावर व्हायरल होत आहे. व्हिडिओमध्ये तो टोल प्लाझा कर्मचाऱ्यांशी भांडताना दिसला. कर्मचाऱ्याने दावा आहे की त्याने खलीकडे ओळखपत्र मागितले, त्यानंतर खलीने त्याला कानाखाली मारली. (wwe star great khali fight with toll plaza workers video viral)

ग्रेट खली जालंधरहून कर्नालला जात असतानाची ही घटना फिल्लोरजवळील टोल प्लाझाचा हा व्हिडिओ असल्याचे सांगितले जात आहे. खलीने सांगितले की, एक कर्मचारी जबरदस्तीने कारमध्ये फोटो काढण्यासाठी घुसत होता. याला फोटो काढण्यासाठी नकार दिल्याने वाद झाला. यानंतर बाकीचे कर्मचारी आले आणि त्यांनी गाडीला घेराव घातला आणि ब्लॅकमेल करण्यास सुरुवात केली.

द ग्रेट खलीने निवडणूक लढवली नसली तरी तो भारतीय जनता पक्षाचा नेता आहे. कर्मचाऱ्याचे म्हणणे आहे की, त्याने खलीकडून फक्त ओळखपत्र मागितले. अशा प्रकारावर खलीने त्याला थप्पड मारली. व्हिडिओमध्ये कर्मचारी खलीला माकड म्हणत असल्याचे ऐकू येते. रागाच्या भरात सर्व कर्मचारी खलीला जाऊ देत नव्हते.