नवी दिल्ली: WWE च्या  रिंगमध्ये नेहमीच प्रतिस्पर्ध्यांना मात देणाऱ्या ल्यूक हार्पर आयुष्याची लढाई हरला आहे. डब्ल्यूडब्ल्यूई (WWE) सुपरस्टार आणि माजी आयसी चॅम्पियन ल्यूक हार्पर (Luke Harper) यांचे वयाच्या ४१ व्या वर्षी निधन झालं आहे. ल्यूक हार्पर फुफ्फुसाच्या आजाराने दीर्घकाळ त्रस्त होता. ज्यावर त्याचे हॉस्पिटलमध्ये उपचारही सुरू होते.

पत्नीने इन्स्टाग्राम पोस्टद्वारे दिली माहिती-
ल्यूक हार्परच्या निधनाची बातमी त्याची पत्नी अमांडा (Amanda) हिने इन्स्टाग्राम पोस्टद्वारे दिली. लूकचे फुफ्फुसाच्या संसर्गामुळे निधन झाले आहे. डब्ल्यूडब्ल्यूईचा माजी कुस्तीपटू जोनाथन ह्यूबरला (Jonathan Huber) ब्रॉडी ली (Brodie Lee) म्हणून ओळखले जात होतं.

ल्यूक हार्परची पत्नी अमांडा (amanda) हिने पोस्टमध्ये लिहिले, "माझा जिवलग मित्र आज गेला. मला हे शब्द कधीच लिहायचे नव्हते. माझं हृदय तुटलं आहे. त्याने जगाकडे आश्चर्यकारक नजरेने पाहिलं, पण तो माझा जिवलग मित्र, माझा नवरा आणि खूप चांगला पिताही होता"

ल्यूक हार्परच्या मृत्यूने चाहते हळहळ व्यक्त करत आहेत. ल्यूकचे रिंगच्या बाहेर सगळ्या प्रतिस्पर्ध्यांसोबत चांगले मैत्रीचे संबंध होते. भारतातही ल्यूकचे मोठे चाहते आहेत.

(edited by- pramod sarawale)