India Vs England 1st Test Day 1 : भारत आणि इंग्लंड यांच्यातील पहिल्या कसोटीच्या पहिल्या दिवशी भारतीय फिरकी गोलंदाजांनी इंग्लंडच्या बॅझबॉलचा पुरता बाजा वाजवल्यानंतर यशस्वी जयस्वालने इंग्लंडच्या गोलंदाजांना भारतीय बॅझबॉलची चुणूक दाखवली.
यशस्वी जयस्वालने पहिल्या दिवसाचा खेळ संपला तोपर्यंत 70 चेंडूत नाबाद 76 धावा केल्या. त्याने मालिकेतील पहिल्याच कसोटीत 108 च्या स्ट्राईक रेटने धावा ठोकत भारताला 1 बाद 119 धावांपर्यंत पोहचवले.
विशेष म्हणजे भारताने आपल्या डावाची तुफानी सुरूवात केली. भारताने फक्त 4 षटकात 35 धावा ठोकल्या. तर यशस्वी जयस्वालने 47 चेंडूत अर्धशतक ठोकले.
गौतम गंभीर - झिम्बाब्वेविरूद्ध नाबाद 95 धावा - 2005
यशस्वी जयस्वाल - इंग्लंडविरूद्ध नाबाद 76 धावा - 2024
केएल राहुल - वेस्ट इंडीजविरूद्ध नाबाद 75 धावा - 2016
इंग्लंडला पहिल्या डावात 246 धावांमध्ये रोखल्यानंतर यशस्वी जयस्वालने भारताला दमदार सुरूवात करून दिली. त्याने 70 चेंडूत नाबाद 76 धावा केल्या. तर रोहित शर्मा 24 धावा करून बाद झाला. पहिल्या दिवसाचा खेळ संपला त्यावेळी भारताच्या 1 बाद 119 धावा झाल्या होत्या. यशस्वीला साथ देणारा शुभमन गिल 14 धावा करून नाबाद राहिला. भारत अजूनही 127 धावा पिछाडीवर आहे.
तत्पूर्वी, नाणेफेक जिंकून प्रथम फलंदाजी करणाऱ्या इंग्लंडकडून कर्णधार बेन स्टोक्सने झुंजार 70 धावा केल्या. तर भारताकडून अश्विन आणि रविंद्र जडेजाने प्रत्येकी 3 विकेट्स घेतल्या. तर जसप्रीत बुमराह आणि अक्षर पटेलने प्रत्येकी 2 विकेट्स घेतल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.